死喇﹗死喇﹗5 月又唔會儲到 $$ 喇﹗點算呀~﹗
交日文學費 + Lunch = 約$700
4 次唱 K -> 縮到得 3 次 = 約 $350
阿媽生日 + 母親節 = 約 $400
去宿營住宿 + 燒烤 + 車費 = 約 $400
2 次去練完歌後（大型詩班）去街食晚飯 = 約$150
嘩﹗咁就 $2,000 喇﹗仲唔計平時食飯呀﹗搭車呀﹗行街消費呀﹗買碟費呀咁﹗分分鐘夾埋成 $2,800。我仲點儲呀﹗
前幾日，同幾個女同事食 Lunch，講講下至知其中一個有學緊跳舞﹗係跳 Jazz 既，即係平時歌手跳0個種。不過佢話上堂時係跳而家既歌，再由老師排過後至教佢地既。咁即係跳廣東歌啦﹗我唔制﹗不過知道有人學緊跳舞都唔知點解會精神為之一振。本來想跟佢學，但一聽到堂堂都要聽我唔鍾意既廣東歌都係咪搞住，出年至學喇﹗
近排公司黎左個男 Sales，因為何守信終於 3 月中時走左，個 Sales 個樣真係好唔掂，救命呀~﹗我要個靚仔過 CP 至得嘛﹗咁樣點搞呀﹗到下個月又走兩個人喇﹗仲要係完老級添，唉﹗個個都好似唔想留0係呢間公司咁樣，我想做多兩年至走去讀書呀﹗不過有時真係好辛苦，我阿姐本來都辭職添，但係老闆娘係咁留住佢，兼且佢又未搵到工至唔走住咋，佢個位好辛苦架，如果升左我上去一定香硬。好彩我同阿姐佢係咁叫老闆請多個人幫我地手，而家佢都好似有 IN 人，但係仲未有消息。希望快 D 請到啦﹗因為我同阿姐做既野好濕碎，請個妹妹仔執頭執尾都好啦﹗
近排唔知做咩，冇咩野好寫咁，好無聊。
文章定位：
