第一個問題：究竟我同佢之間既障礙係咩野﹖
跟住抽左一隻牌（Sorry﹗真係唔記得左﹗小藍0個隻係咩牌黎架﹖﹖）占卜巫女話：哦﹗係是非﹗﹗解釋係因為佢怕俾人講是講非，再加上我之前俾唔到「息勞（下﹗息勞…歸主﹖我啋﹗）」俾佢，所以先至好似裹足不前咁囉﹗
第二個問題：我同佢有冇可能一齊﹖（原本我係想問究竟邊個做主動呢﹖不過占卜巫女話我問左有冇機會先啦﹗如果冇機會就邊個都唔駛主動啦…咁話）
抽左出黎既第二隻牌係：（今次我記得喇﹗）『命運之輪』。解釋係我同佢只係爭一個機會就可以一齊喇。可能係傾計當中，突然間傾到共同話題，跟住大家都覺得思想上原來好夾，就咁就一齊都唔定。又或者係一齊去街，突然間大家都 Feel 到大家對對方有 D 野就咁就一齊又唔定。正如命運之輪咁，唔知幾時我地既命運開始一齊轉。
第三個問題：佢點樣睇我﹖
第三隻牌係：『教皇』（好似係）解釋係……唔記得左添，不過我淨係記得占卜巫女話佢會覺得我好煩，好少事就嘰嘰喳喳，慌死冇人知咁，所以其實佢除左呢點之外都覺得我 OK 既咁話。
第一個同第三個問題係好準，準得好緊要添呀。第一個解釋講既我諗係話 Ann 姐同師奶仔成日話我同 CP 仔有野。每一次 CP 仔聽到佢地咁樣講佢就等一陣，見我冇咩反應就窒番佢地（因為當時我唔知應該講 D 咩野好，於是每次我都係唔出聲，謠言止於智者嘛）跟住0個日佢就好似對我有 D 避忌咁。而第三個解釋講既其實係大約 7 月左右佢搞到我喊到收唔到聲0個次。事後佢冇直接同我講，但係我地有 Send e-mail 講過佢覺得我成日大聲講佢做錯野，呢樣佢唔係咁鍾意囉。
不過第二個如果要實行真係好難架，小藍，妳唔好催我啦，再俾 D 時間我啦。可能聽日我就唔理三七廿一呢。但係呢頭講完放棄佢，0個頭又去約佢，好似唔知點咁。好煩呀~~~
文章定位：
