好耐冇ＵＰＤＡＴＥ喇，因為公司都係年尾趕入單，都唔得閒上網，就算得閒上，剛剛個ＳＹＳＴＥＭ又壞左上唔到網，真係俾佢玩死！
言歸正傳，上星期發生好多事：在堂三妹結婚上中獎（值ＨＫ＄４００既Ｓ－ＷＡＴＣＨ女裝手錶一隻）並搞清楚９兄弟姊妹既大細次序、ＤＩＳＮＥＹ一日遊中巧遇張學友真人、同堂九弟去同人漫畫展呆企之後竟然買左『滿城盡帶黃金甲－全球限量珍藏版ＤＶＤ』、阿媽終於決定要學電腦而要買家用電腦並要周圍搵電腦檯黎ＦＩＴ到屋企個位！！！！！
上面講既樣樣都要錢，我都唔知係咪２００８年犯太歲（犯既話都應該係我娘親，佢屬鼠既），抑或係要破財擋災（真係好既唔靈醜既先靈，待續），新一年就要豪駛錢。阿媽仲話，一係唔買，要買既話就要買多Ｄ功能既。寧願叫阿哥得閒去砌部勁野出黎都唔買部現成既。各位睇到呢度以為係我阿媽出錢哩？
正確答案：
所有支出（我＆媽）一人一半﹗
睇黎我要賣身葬（多一次）父至得喇﹗
接續：上面兩個係我表姐同表姨甥仔（我姑媽個女同外孫）
打緊呢篇既時候，剛剛收到我阿媽電話：－
姑媽腦中風入左醫院！
天父啊！求天父保守姑媽平安，佢仲未信主架～～～！唔好有事呀～～！
文章定位：
