今日中午時分，Rita 打電話俾我約呢個禮拜四唱 K，佢話佢下個禮拜就要返 9 點，唔會有心機去街喇﹗吓﹗﹗因為原來今個禮拜六舖頭真係會摺埋，Rita 佢地成班舖頭友會下個星期一轉晒上去做野。吓吓﹗﹗﹗上面寫字樓唔會夠位坐架喇，貨又會擺晒喺上面，到時至算啦﹗吓吓吓﹗﹗﹗﹗我見搞成咁，唔出去都唔得啦，佢地咁慘，亞媽又去返教會唔煮飯……我惟有應承佢啦﹗
今日喺電話度我冇同佢地講我搬屋既事，而家好似得我自己一個好開心佢地就好陰公咁，每次都係聽到佢地講呢啲唔好既消息，好驚舊公司會執咗，到時我真係…真係……嗚…………
星期三會同媽咪食飯，慶祝佢生日兼母親節，之前問佢想去邊度食飯，佢竟然話去金龍船食蟹黃翅﹗哈~~~~~﹗﹗我即刻成個下巴跌咗出嚟﹗冇計啦﹗唉~~但係應該會好貴喇﹗到時睇下幾錢找數啦惟有﹗
今日收到大型詩班既通知書，今年又有得唱喇﹗今個星期日又要開始每隔一個禮拜日去練歌，雖然又熱又勊又辛苦又會唱到喉嚨痛，但為咗同 神打工冇計啦﹗唔知今次會唔會又撞到細佬呢。唔知表妹同嘉敏佢地收唔收到信呢。又唔知今次有冇靚仔去呢。太多唔知喇﹗搞到好期待添。
今個禮拜已經有三日走出街，變咗星期五、六要留喺屋企執屋，嗚~~上個禮拜六我一路睇鋼鍊一路掉嘢，已經掉咗幾袋，連擺埋一邊既 Smap、Backstreet Boys、Spice Girls 等雜誌全部都要掉。好肉痛呀~~﹗因為到時我唔諗住我間房會擺書枱，所以而家我見書就掉（除日文教科書外）。我諗到六月時要開始掉衫添呀﹗今個夏天冇衫著點算呀~~﹗
文章定位：
