仲有兩個月多幾日，我又黎返鄉下喇﹗ＹＥＡＨ～～！
今次同阿媽去，俾佢睇下我呢幾年學既日文唔係佢口中講既咁冇用！
拆佢棚牙！又有小郡主微服出巡，同我一齊去，開心死咯～～
唯一可惜既係，唔可以順便睇ＦＡＮ ＣＬＵＢ表演囉！
如果係舊年既呢段時間，我一定點都要去睇，貴一貴都去睇！
但近期熱情開始減退，我會理智同埋現實番Ｄ架！始終年紀都唔細啦！
多謝同事俾左本京阪神既旅遊書仔我，之前見到有本雜誌有送，但當時已經係過期雜誌所以冇買。裡面有一處係講京都既清水站有得試著和服影相，初頭都以為一個人要ＨＫ＄１０００咁上下，點知，只需３５００ＹＥＮ（約ＨＫ＄２５０）就可以著成日（１０：００－１９：００）喇！咁請埋阿媽著都唔肉痛啦。到時一定要拉埋小郡主著，然後一齊行街街，飲綠茶，食和痫子至得！話唔定識番個俠士，定居埋添．．．．．．哇哈哈！諗起都開心 ≧▽≦
有朋友仔都話，農曆新年去日本但唔知去邊度？其實真係想睇下你去做咩啦！日本同香港差唔多，不過地方太大唔就腳，好多時只係去兩個站都要俾十幾蚊港紙車費。所以好多旅行團，有一半既時間都係用左去搭車，因為佢地特登唔順路咁行，咪唔駛去咁多地方囉，變左真係自己周圍走既時間又趕又急，呢樣都係我唔鍾意跟團既主因之一。所以我建議各位唔識日文既朋友仔，跟團既話，最多一次好喇，下次再去既真係自遊行最好。
好老實講，而家日本既精品，除左貴之外，佔９５％以上都係中國制造，所以記得隨身帶住計數機，隨時要計到港紙價至得，因為好多反而ＨＫ買會仲平Ｄ，咁要衡量下ＨＫ有冇見過？係咪真係值得在日本買？係咪真係鍾意？呢三方面去諗，我就好多時因為冇諗清楚呢三個ＰＯＩＮＴ而買左好多無謂又貴既中國貨仲要山長水遠托番黎添，真係．．．．．．（下刪一千字髒話）
至於有一點係大家都一定會忽略既就係：自己既衣著問題！
真係架！我唔係講笑！
唔好著得太土，否則佢地以為我地係大陸人就唔好啦！
不妨標奇立異少少亦無妨，盡量著多Ｄ裙啦！
文章定位：
