今日全日走左去執倉，星期一一早有人會拆貨架，再搬落去十樓，拆都要成日時間，仲要搵專人拆添。因為我地個貨架係同電視台擺錄影帶既貨架一樣，有條路軌，有幾行櫃0係度左推右推咁。我地全個 Office 既人（當然老細會要我地當佢唔存在啦）都要幫手將所有貨搬落箱 Pack 好。都咪話唔辛苦呀﹗
我今次好醒目，真係忍唔住要讚一讚自己先。因為尋晚 7:00 約左小郡主同“露脾”（露脾 = Luby = Ruby = 2月份另一個日本旅行既日文對手）小姐食飯，一早走左（約人 7:00，但係 7:00 至落樓0個隻，真係講多聲 Sorry﹗）擺低成乍 PO 未出，所以我要出左 PO 先至幫手搞倉，咁就真係天助我也。事關我一直都好想俾佢地感受多幾下我執個倉時既慘狀。於是乎我特登出慢 D ，等佢地感受深 DD 。嘻嘻﹗
到差唔多一點左右， Ann 姐問我地可以做到幾點鐘走。第一個：師奶仔﹗『唔…我都可以留0係度幫手既，我下晝都 OK 既﹗』好﹗第二個：Annie ﹗『我都冇問題既，我都可以繼續做，但一定要食野囉﹗』好好﹗第三個： IT Henry（幫佢改個名叫史力奇啦﹗）『我就有事，要兩點鐘返學校拎野，但如果之後都冇咩特別野既話我都可以返黎幫手既﹗』OK! 第四個： CP 仔﹗『我要兩點半走人，但最遲三點鐘一定要走﹗因為新屋有野搞﹗』最後一個：CP 女﹗『我要三點半走呀﹗』嘻嘻…但其實我之後係冇野做既。係咪好醒呢﹖
因為一早講左今日我會同日文同學 BBQ ，咁我話三點半走佢地咪信囉。但最終我係冇去 BBQ 既，因為我原來要去做節呀~~。到我差唔多走呀，因為 Annie 落過去十樓，咁咪問佢個間隔係點囉。佢話會比而家更光猛，更闊落。好呀﹗因為而家個位真係幾窄，唔夠位用。原來今次會議室間房細左，兼剷走個 Reseption 位置。
咁當然我梗係會問埋我地坐位安排啦~好似返學時期好緊張個隔離同學仔係邊個咁樣。Annie 話原來我隔離0個個就係：
CP 仔﹗
哈哈﹗而且仲同其他人既座位係分散晒添，Ann 姐會同老細好似左右門神睇實我地，師奶仔會坐 Ann 姐房出面對住我同 CP 仔，Annie 會坐近倉同門口離我個位幾遠，不過我、CP 仔、史力奇個位係會圍住老細間房，而佢間房會有兩個窗，一個係會望到我同 CP 仔，另一個會望到史力奇，所以我除左同 CP 仔一個屏風之隔之外（最好拎走埋個屏風佢啦~），我就咩野秘密都會冇晒，全程會俾老細望實晒。不過，都要真係最後 28 號真正搬落去至知道係坐邊度，我老細五時花六時變，我怕希望越大，失望越大咋。
好期待添，搞到訓唔著添，zzzzzzzzzzzzzzz………
文章定位：
