尋日同嘉敏食飯，本來都係諗住唱下 K 啫﹗點知小敏豬打電話黎約返教堂。我心諗：都好啦，橫掂我啦、小藍啦、同嘉敏都係教徒，返下都無妨，而且小敏豬話 8 點半開始，大約 9 點左右就完，到時至食野都仲係好早啫。於是三個女仔走入去屯門嘞﹗
呃人﹗去到成 9 點幾至正式開始，搞到差唔多成 10 點至去食野，餓死人咩﹗又要唱 D 好難聽既歌，仲要係不停 Repeat, Repeat, Repeat, Repeat, Repeat, Repeat, Repeat, Repeat, Repeat, Repeat, Repeat......搞到我之後已經決定放棄唔唱，仲訓左一陣添﹗最搞笑就係小藍竟然聽到我個肚打鼓。咕~ @o@
雖然之後食日本晚飯放題（放題，日文，解自助餐），但係食到成 12 點幾，俾人地趕我地至肯走。我第二日仲要返工呀﹗我本來都諗住搭西鐵返屋企，0個隻豬豬就指我去搭巴士。去到巴士站時，睇到個牌已經係走左尾班車嘞。之後咪即刻同小藍衝去搭番西鐵囉﹗點知去到就剛剛鎖閘唔入得﹗慘﹗慘﹗慘﹗慘﹗慘﹗慘﹗
成晚我都係問：呢道邊度0黎0架﹖呢道邊度0黎0架﹖真係好驚呀﹗黑麻麻，凍冰冰。好彩豬豬都話俾我地知有紅 Van 出荃灣，而且好快就搵到﹗但係搞到我地兩個出到荃灣要搭的返屋企，成接近 1 點半至返到去。嗚… +_+
小藍話係鬼地方，我深信不疑。次次去屯門都係冇好野，打死我都冇下次呀﹗
文章定位：
