今日見12點半都仲未見呀男朋友仔打電話俾我，我就諗住同班同事食啦，點知 12:50 左右佢竟然打黎話一齊食。咁好啦，做戲做全套嘛﹗
跟住同番同事講唔同佢地食時，師奶仔 & Annie 就話『嘩﹗一叫就出去呀﹖』我當然唔會理佢地啦，咁咪去完 Toliet 至出去搵情郎（娘）囉﹗
咁去完個 Toliet，拎埋個電話諗住出去時，見到 CP 仔訓左0係我後面張枱度諗緊食咩野好時，我咪多口問句食咩野呀，佢就話唔知呀，妳（即係話我）又出去食架啦，呢排妳都出去食既。Annie 又走黎搭訕話：『係呀，佢有腳（即係有伴）呀嘛﹗』我咪同番 CP 仔講叫佢出去食啦，佢聽到時，我見到佢坐一坐番直個身，郁左一下就話：『我都冇腳，唔去呀﹗』跟住就訓番0係度。我當時見 Annie 0係度我冇再講其他野，就同佢地講咁我行先喇。如果 Annie 唔0係度既話，我再講多一兩句，甚至出到請呢一招，我諗佢真係會出去。因為我想等佢睇到，我個傳說中男朋友既真面目時，佢第一個反應係點樣。如果係好似鬆一口氣咁既樣時我咪即係有 90% 會得米囉。
之後講番俾男朋友知佢同 CP 仔差少少就可以見到面時，佢嚇到呆左，講真0個句，好似突然間變左吹氣公仔咁樣。哈哈…（逃）
好﹗我要定下目標，10月前一定要佢地兩個見到面至得﹗（雖然好想俾小藍佢第一個見到先，話晒佢第一次帶佢個小飛俠出黎時，我都係小藍第一個見到佢既 Friend，咁禮尚往來嘛）革命尚未成功，CP 仍需努力﹗﹗
文章定位：
