呢一排見工都胎死腹中，今日見0個份叫做有 D 起色啦，不過條件就有點兒…
尋日打電話黎叫我今日見工時，佢話佢係松下電子，我諗黎諗去都好似冇 Send Resume 俾佢，算啦，問佢攞個地址見左至算啦，佢話跟番寄信個地址黎都得喇。哦﹗Panasonic！因為我淨係呢間至用寄信形式咋。我都唔知原來 Panasonic 即係松下添（Matsushita）！
今日 6:30 起身，刷牙洗面，沖涼洗頭，換衫化妝，7:45 出門口，因為約左 9:00 入屯門見工，zzzzzzz…
頭先嚇死我呀，我著到靚一靚，但係原來附近環境好恐怖，好似新聞報導講 D 強姦犯捉 D 女人去工廠大廈強姦咁款。因為去到屯門西鐵落車之後，去到工廠區0個邊已經覺得好靜，叫天不應咁樣。加上我之前睇既地址睇錯左，搞到上到去見到落晒閘，又見到有幾個男人…我即刻拎住個電話打俾0個間公司求救。總之嚇死我啦﹗
終於上到去，剛剛九點正，冇遲冇早（其實我0係0個頭已經行左半個鐘係咁搵），0個度真係好似日本公司咁，因為有制服著。填左半個鐘既 Resume 之後，佢叫我睇下公司簡介，原來好似返學咁，要上早會，做早操，唱公司歌，真係做到成間日本公司咁，呀唔係，根本就係一間日本公司。而且假期都幾多，星期六唔駛返之外，仲有幾日公司 Annual Holiday。我睇過出年農曆新年有足一個星期放假（2月6-13日），我咪唔駛請假都可以去日本囉﹗
不過佢呢間就話極其量人工去到 $7,000（已經多過之前0個份衰工喇），其實我問漏佢一樣野，因為我見佢有 OT $35/h + dinner，我冇問到佢係全部加埋晒至去到 $7,000﹖定係 OT + dinner 另計？佢講過呢個 Post 成日會加班，如果做唔晒星期六都要自動自覺返黎做，如果係分開黎計既話，分分鐘過萬？？？
點解我話呢份工會有 D 起色﹖係因為佢唔知講左幾次“掉番轉頭，我怕妳要考慮咋”，因為佢話我有好豐富既經驗，而且我要求係 $8,500 。但頭先既“驚”歷令我有少少卻步，我怕夜走時冇得剩咋，佢仲話明盤點時可能去到凌晨架；但間公司又有日本人同我講日文喎，又有 OT$ 又返五日又多假，雖然要早起（8:00-5:15，仲要早返 15 分鐘做早操，唔准遲到，否則個名會上 Board 公告天下）。唉！點取捨呢？
頭先有兩個人一先一後見我，先係人事部，後係採購部主管（呢個好似好玩得咁，少少十三點 Feel，我怕好似係 Ann 姐0個款>_<），佢話都要問經理，會再電話聯絡喎，趁呢段時間諗下好唔好膽博膽，走去試下呢份呢？
文章定位：
