遲咗講添﹗唔緊啦﹗最緊要係真係要過得開心﹗
我呀﹖都 OK 啦﹗呢個禮拜都叫做舒服 D 啦﹗唔駛理個癲狗（老頂）係咁吠﹗個細既終於都冬眠完喇，起碼佢都叫做開始幫到忙啦﹗而且我跟 D 貨已經埋尾，而暫時又冇新訂單，所以叫做舒緩番啦﹗
今年教會既平安夜聚會俾我想像之中更加早完，只係一個鐘咋喎。聽番阿媽講原來係趕住去街頭報佳音，所以先至咁快完。哦﹗不過喺聽道時，有兩位朋友仔瞓著咗，仲扯埋鼻寒添﹗算啦，唉~﹗好彩唔係好大聲啫，嘻嘻﹗跟住我哋去咗麥記食嘢傾計去到 11 點幾至捨得走。嗰晚都好開心，仲約定 31 號晚去我屋企睇紅白添，好嘢，到時一定好熱鬧啫﹗
文章定位：
