上星期五凌晨 5 點左右，突然肚痛到不得了。忍到 8 點幾起身，即刻又痾又嘔，今次真係病咗返唔到工喇﹗跟住又瞓到 12 點幾，一起身又痾又嘔，連黃胆水都嘔埋出嚟。但係瞓番低就冇事喇，卒之就拖到 4 點幾至落得樓睇靚仔醫生。
唔知係咪食咗自助餐既關係呢﹖又或者我第二日食咗糯米飯槳住咗個胃呢﹖我唔知呀，不過而家冇事喇﹗我開頭都驚係食物中毒，不過靚仔醫生話應該係腸胃炎啫，唔駛驚喎。跟住我叫佢寫埋星期六半日假俾我，哈哈﹗佢又肯喎，因為我真係痾到冇晒力，又淨係可以食白粥，即刻瘦咗 2 kg。睇吓我有幾多廢物﹗間唔中咁樣排吓毒又幾好，但係真係好辛苦呀﹗（′^‵）
而家我怕仲有事，呢幾日都唔係點樣食肉，狂食菜囉，不過星期四做節，聖誕節又嚟喇﹗點樣忍口呢﹖唉~~﹗
文章定位：
