今日成日行程係去 Miss 屋企，可以睇下日本人屋企，真係好大呀﹗環境又靚又舒服，有 D 唔想走添﹗呢張相係0個日午飯前影既，Miss 媽媽整得幾好食，但好老實講其實好易整。唔知大家仲記唔記得我有 Send E-mail 出黎呢﹖咪就係0係 Miss 度 Send 囉﹗
到 4, 5 點時，Miss 話一齊去日式錢湯喎﹗吓﹗咪要光脫脫囉﹗我唔制﹗但因為我已經兩日冇沖涼，而佢話佢屋企浴室細，既然0黎到日本幾大都試下咁話﹗我惟有應承佢啦﹗
我地去0個間係好新式既浴場，唔係日劇0個 D 會有個阿伯望既。入到去……唔講俾大家知，秘密﹗但真係好似西廂遊記中講到既『燕瘦環肥』，樣樣都有。
沖0左成個鐘頭涼，去番 Miss 屋企，放低 D 衫後，出去食日式燒餅﹗正呀﹗仲食到好飽添，之後拎番衫，由 Miss 老豆車我返民宿添﹗
其實本來呢日我係想去神戶，因為會有個現場節目係紀念神戶大地震既，當中有 W-inds 架~，諗住0個邊會唔會撞到佢地嘛﹗不過好彩我最後0個次返去 Miss 屋企俾我見到 W-inds 出場，剛剛好﹗好過冇啦﹗嘻嘻﹗瘋狂 Fans 又0黎喇﹗
唔﹗呢日做左我一生人中唔敢做既一件事喇﹗好過濟﹗希望我既朋友仔如果去日本，記住試下，不過一定要揀一間新式既、靚既先好去，費事俾人偷睇嘛﹗（費事俾妳偷睇啫﹗）@v@ 嘿嘿~﹗
文章定位：
