M̄ 知iáⁿ，khah早 guá sī án-tsuáⁿ kā <存在 kap 時間> 漢譯本讀 kah
了。
今á日 teh 斟酌 Heidegger ê 三个哲學名詞本義：
das Gefragte： Guá 知iáⁿ Fragte 是
uì Fragen 來—ê，原意 sī「問」。ge- 是被動式，所以 Gefragtes
應該是「hőng 問tio̍h ê mi̍h-kiāⁿ」，m̄-koh 伊 koh-ū
另外丨個意思是「hőng 需求 ê mi̍h-kiāⁿ」，華語學界 kā 伊 ê
漢譯做「問之所問」，顛倒 ū-kuá siuⁿ
文言。日譯是「問われているもの」，nā guá ê 理解
bô͘-m̄-tio̍h，應該是「tng hőng 問tio̍h ê mi̍h-kiāⁿ」，為siáⁿ-mi̍h
日譯 kap 漢譯比原來 ê 德文複雜 tsiah-ní tsē，bô͘-tiāⁿ
真像 Heidegger leh 驕傲—ê ，德語是丨款特別適合形上學思考 ê 語言。英譯
án-tsuáⁿ 翻？ that which is asked about！
das Befragte：that which is interrogated.
日譯是「問いかけるところ」，意思應該是「探究tio̍h ê 所在」。漢譯 ū「被問及的東西（？）」和「問之所涉」兩種，頭前者
ū-kuá 莫名奇妙，後頭者又 koh siuⁿ過文言。德語是 siáⁿ-mi̍h 意思 leh？Guá bô
確定，照字典所寫是「詢問」，英漢日譯 lóng ǹg向是「hőng 相借問 ê mi̍h-kiāⁿ」，可是 guá án-tsuáⁿ tō
感覺，德語應該是「主動去審問 ê 發問者」？ Án-ne mā khah ē-īng 對應
kàu「存在者」，koh das Gefrage ē-īng 對應
kàu「存在」， das Erfragte ē-īng 對應 kàu「存在論的」。
das Erfragte：that which is to be found out by the
asking.日譯是「問いによって求められたもの」，意思應該是「因為 tsit-ê 發問 tsiah hőng 求tio̍h
ê mi̍h-kiāⁿ」，漢譯做「問之何所問」或者「問之所求」，m̄-nā
文言而且 koh 話意 bē清，日譯 kap 英譯意思相近。tsia ê
翻譯 lóng tsiaⁿ長，m̄-koh kán-ná tī
德語內底，意思是真簡單 ê「kā...問 hō͘ 明」。
Tse 三个字詞 nā beh kā 翻做台語，guá ē án-ne 配：
das Gefragte：hőng問—ê
das Befragte：ka̋ng問—ê
das Erfragte：問tio̍h—ê
文章定位：
