車天車地 一個有好多回憶既地方!!!

106愛的鼓勵 0訂閱站台

8-10-09(四)7:55聽不到電話響，8:20阿哥醒我又醒，唔緊要，重趕得切，不過都唔想自己行得咁辛苦，第一個想法就係撘的士了。(其實一知自己遲起身，為免遲太多，我第一個想法都係撘的士，更巧合的係我係夢中，係自己醒來時發現已經係9:05，返9:00都係遲到。)

 

    Lunch call鵬嫂幫我買對礸石耳環，本來諗過放工去佢公司睇，但我放成6:00就太遲了，要佢等又唔係咁好，況且過一陣又返屋企，又sign車費，所以都係唔過了。

 

    下午開生日會，茵媛一見到個汽球就好驚，係到喊，問番佢阿媽先知，原來佢細個時被球嚇過。

 

    放學時，我同班時係電腦室睇電影，係來得番俊豪(包包)、阿何同我時，包包想食阿何係日本帶番來o既手信，我叫包包自己問何老師，跟住我地2個一齊玩包包，阿何俾吉糖紙佢食，跟住我地2個係到食wasabi豆，然好話好味好甜，問佢試唔試，包包試第一粒時問佢咩味，佢話甜，到佢自己話要食第2粒，佢一食就申舌了，好明顯係有d辣，之後出音樂室等放學，同佢一齊等放學時，問佢重食唔食綠色個d，佢話唔食了，haha!

 

    臨放工時見到阿媽打過俾我，覆番佢時先知佢已經係車站等緊我放工，到我放工時，阿Sam又教我點樣駁d電腦去新hard disc，我幾驚佢講得耐，我會趕唔切去坐6:10班車，好彩佢只係講一陣，所以我都走得切，同阿媽一齊坐車返愛民，我地去華潤買芒果木瓜牛奶，用呢個奶加麥皮食真係好好味!比一般牛奶或朱古力奶更好味。

 

9-10-09(五)放工5:00，食KFC，跟住返學，放學坐車返教會搵鵬嫂攞對耳環，Dennis話可以搵下我，於是約佢下教會等。

 

    第一眼見到對耳環時，覺得佢同我隻介指(38份)差不多大，鵬嫂話係有25/26份，為何這樣呢?鵬嫂話對耳環d鑽石屬於第二程度閃(第一程度閃好少有)，是G級。跟住鵬哥、Mandy、joe、偉仔佢地都出來，我都冇諗到會撞到佢地，雖然明知佢地今日係幫手啟發課程，而我也只不過打算攞完就走。

 

    佢地都係到欣賞我對耳環，之後Joe、Mandy話不如一齊食糖水，起初我都ok，但行到去真理堂門口時，Joe再問我一次其實o唔ok，我諗都要問一問Dennis先，於是閃下眼，Joe即刻get到，跟住佢地走了，我話不如你地食住先，我一陣再call你地，Mandy即刻話我唔中，佢地當然唔去，有d感動，因為佢地真係為左同我傾下計而專登去食野，我都好耐冇見你地見面同傾計了，但你地仍記掛我，thx!

 

    之後Dennis送我回家，我地係京士柏山返愛民，其實都驚被人打劫架，重要攞住對新寵兒tim，不過Dennis近期學boxing，遇到賊就靠佢啦!

 

    係愛民公園再傾計，講番d返教會問題，佢又同我講剛過去的崇拜，牧師講了團而不契呢個point，係o既團而不契係少左d support。

 

    傾到成十一點幾，Dennis真係一個好關心人o既女仔，thx!