車天車地 一個有好多回憶既地方!!!

106愛的鼓勵 0訂閱站台

21-3-08(五)起身後又捉棋，6:15出門，坐小巴去TST，然後行去MTR會合Joyce、劉佩珊、Miss Li同Fion一齊行去Dan Ryan，一直都好想食呢間野，好想食凱撒沙律同雞，點知我叫完沙律，Miss Li都叫沙律，其餘3人叫海鮮飯、肉醬意粉同、西蘭花濶條麵，全部澱粉質我都唔食得，早知我改叫肉啦!激死我!

飯後去了Starbucks 飲野，繼續戒糖，所以冇飲野，飲到10:45走了，同劉佩珊、Fion一齊坐1號巴士，我之所以同佢地同路因為我要同劉佩珊一齊去遊車河，我地係食飯時講開先知佢同細佬夾份買了部車，於是我話要遊車河，佢一口答應，好野!可以「痴」車渣，我地先去九龍城機場到取車，然後繞油麻地、旺角、太子等，跟住行埋我想去o既何文田山、同加多利山，想繞去哥哥屋企，不過連我都唔記得左個門牌幾多號。跟住一條出又出番太子。然後去愛民村，劉佩再俾左架車我渣，我都驚撞花人地o架車，渣得好小心，我渣左返華英，跟住落車行下，見到校問時就回憶返中學o既生活，離開華英都快十年了，時間過得真係快。

跟住渣番愛民，然後回家了。好開心呀!今次係第一次渣私家車，此終覺得渣混波好玩d，雖然踏離合器麻煩d，又要成日轉波。但van o既車身高d，睇路面容易。

22-3-08(六)西柚餐第12天，終於完第二個cycle了，2點返teenzone幫手係會議室包復活蛋，如果今日唔駛返就好了，我都好想星期六休息下，包完復活蛋，d少年人有d溫書，我就同朱仔、佢地係到玩電腦，佢話佢按電腦幾個制，跟住廿幾個鐘都唔駛理，我問佢係咪玩travian，佢話係，不過我已經close a/c了。跟住用sina教佢地捉圍棋，然後借了a/c給煎pan玩5子棋，佢o既玩法真係創新，係要令另電腦都冇得win，和局收場。

3:30係家樂商場會合Phoebe行街買野，跟住去朗豪坊買0.38筆，然後回家吃飯。

23-3-08(日)10:00返復活節崇拜，11:30完崇拜，跟住同d團友仔傾到12:00就走了，坐MTR去天后，12:24去到時，一個人都冇，跟住行下OK便利店，再出來時就只見kira，Dranell12:49先到，阿泓再遲多幾分鐘先到，我地先去了一間台灣野食野，間野超難食。

2:30Dranell去地鐵站接Frank、King同阿寶，跟住我地係麥當勞會合後就一齊上敏軒，呢到好靚wor，好有藝術氣質，同旺角棋社比好得多。

同阿泓捉，跟住個老板又教我同Frank玩做活的遊戲，用d棋圍住四邊，然後對方要係中間地方做活。最後再同蘇蘇捉，佢讓我九子，我險勝，未到數完棋，我以為是我自己輸的。

6:00leave之後同Dranell同阿King行去睇睇銅鑼灣另一間好靚，要80蚊一小時入場費的棋社，然後去了莊園食韓國野，然後再行去灣仔睇另一間棋社，如果呢個野加埋d人食煙，就會似足一間麻雀館，去完敏軒同呢間o既比較就係一面天堂一面地獄。

原來旺角那間棋社都未算最差呢，係四間入面都可以排第三。

返到屋企繼續捉棋，MSN，最後4點先訓。

Ps今日終完停了西柚餐，可以食澱粉質有放監的感覺。
今日去棋社有我、Dranell、泓、king、fank、阿寶、kira、raymond、蘇蘇

24-3-08(一)9:00起身，好明顯得5個鐘唔夠瞓(上火車時又瞓唔著)，10:00出門口行去紅磡火車站，11:00到上水，出一出閘先再入閘，然後過羅湖，車費平了，由紅磡去羅湖只要26.x，比以前平了6蚊，兩鐵合併係好d wor。

同大梁、細梁、阿彭加大梁兩個教友一齊上深圳，先去麵點王食午餐，都唔駛30蚊就已經好飽了。跟住同太梁、阿彭去做彭，撞到大梁另一個教友阿May(舊年5月同佢一齊上過大陸)，佢都話我瘦左好多，佢地去揀布時，我就係到呆坐。

之佢地去買衫同鞋，身材豐滿的我係買唔到衫的，所以好冇穩，細梁買到好多平衫，所以大家繼續行，我地就由原來plan兩個鐘的按摩改為1小時，唔係好夠喉tim，跟住去小肥羊食晚飯，但太多人了沒有等到，跟住就去中森名菜到食鐵板燒。

食完坐地鐵返羅湖回港了。