車天車地 一個有好多回憶既地方!!!

106愛的鼓勵 0訂閱站台

4-10-08(六)琴晚3點瞓，今朝7:00起身，返8放1，坐1:15免費車回家，2:30瞓覺，6:30先起身，7點幾梳洗，7:50再出門，坐8號小巴出尖沙咀，係嘉連威老道買左3對綠色絲襪，絲襪買回學校o黎整「比比和朋友」呢個課程入面個隻主角竹節蟲。

 

    8:30到小肥羊，同浩堅、雯雯、Phoebe、Mandy、偉仔、Heath、Joe、阿金一齊任食打邊爐，170蚊埋單，今次係任食，都抵過上次去譚魚頭到食。酒樓送了一碟燒羊扒和一碟生羊扒，燒羊扒唔太蘇，都幾好味。

 

    原來阿金同我一樣都係電視精，我地兩個成晚都掛住睇電視。食到11:00，夠2個半鐘就被趕走了。因為間野講只係任食2小時，阿姐已經好好咁俾我地坐多了半小時，只可惜套電影功夫未做完，就要走了。

 

    食完飯雯雯同浩堅走了，我地7個繼續去棉登徑飲野同傾計，我同Phoebe都叫做撘番膞頭，做番朋友，亦都完成左佢地約食飯的其中一個目標了。亦都好開心識到呢班好朋友!

 

    同大家傾完計後，我更覺得我需要搵番一個有共同價值觀、相同信仰o既另一半，如果唔係面對問題時，大家o既處理手法可能好唔同。

 

今朝細梁先同我講左一個分享，佢追有個女仔係基督徒、老公唔係，當佢老公有外遇時，老公話，你可以有你o既信仰，要忠於婚姻，你可以繼續咁做，但我冇呢個信仰，我唔會咁做。聽完的感到萬分無奈。

 

早排係到聽詩歌「當我偶遇你」，我就係到諗如果係我婚禮上聽到呢首歌會幾咁感動!但如果我另一半唔係基督徒咁點算呢?

 

飲到2:15，同Health一齊坐的士，2:30回到家，4:00sleep。