車天車地 一個有好多回憶既地方!!!

106愛的鼓勵 0訂閱站台

1-9-08(一)6:30起身，由於琴晚濕疹勁痕，瞓唔到，又失眠。已經連續多晚都係咁了!可悲!

其實返8:00，本應可以7:00先起身，但因為要住煑早餐，所以早在起身時，我起身時，阿媽佢自動請纓話幫我煑，咁我就可以瞓多10分鐘先起身了。

一早收到浩堅個SMS，好搞笑：任老師的提子們：祝開工大吉，目兇鎮徒，紅筆橫飛，見好即收(工)(憑SMS換領$5開工利是^-^)

另外琴晚也收到Winnie o既e-mail同Mandy o既SMS，呢班團友仔真係有心!Thx!

8:00返到學校，可以做下野先，d仔9:30先返，放11:30，第一日開學，大家都hea下啦!俾佢地輕輕鬆鬆玩2個鐘，同埋免你地做一日功課!

跟住開會，點幾食飯，食飯前落左吉之島買枝西柚汁，其實我明明放左個西柚係個袋到拿番學校，但返到學校發現唔見左個西柚，可能係個袋曾經跌低過，所以個西柚碌走左。好彩!學校樓下就有超巿，冇西柚，都可以即刻買番支西柚汁補數。

下午繼續做下班務，但超累，我估琴晚可能成3點先正式瞓到。對住部電腦打打下字，已經越來越冇了了，索性伏下來，瞓一陣。瞓左一兩個字後就醒了，辛辛苦苦等到5點放工，即閃，坐5:10車歸家，一路睇肥田囍事，一路食埋我個晚餐。

今日已累到一早己放棄了上tennis，原來Dranell也一樣不上，因為佢琴晚打通宵牌，但又做魚腩。

跟住沖涼，沖涼後已經想即刻瞓，但而家咁早瞓完，好大機會夜晚再瞓時，又會再失眠，所以要等!順便睇番d電視劇先啦!

又捉o下棋，又睇電視，但捉捉下hand機，斷線，盤棋未捉完，但對方唔肯重賽，因覺得自己有優勢，咁就判對方中盤勝，痴線!比賽一開始冇講日遇到呢d問題o既處理方面，對方覺得有優勢就係對方win，難道不能重新將d棋攞番同一個位置先再捉過嗎?呢d咁o既比賽，我唔會再參加lor!突然諗番有個人早幾日左句，選舉o既棄票其實都係一種表達方式，當時已認同呢番說話。而家更有深切體會呢!

10:30睇埋家好月圓，就去梳洗，11:00上床瞓覺。

PS今年繼續跟番之前班仔，很開心呢!一來我一直都好想試下由小朋友入學，教到佢地畢業、二來我教埋高班就真係級級都教過了、三來可以自己用曬一個課室(但課室向街，會成日被人睇lor)，anyway今次三個願望都實現了。還我心願呢!

PS送左把縮骨遮俾細梁(買Sofina送的)，咁啱d花款同用料都合佢心水。只要你鐘意就得了!

2-9-08(二)8:30阿媽叫我起身，大穫，遲到，明明琴晚都已經好早瞓，點解會醒唔到呢!我懷疑係我禁熄了個手提電話個鬧鐘，但我係自己個夢境又成日夢見自己起身，可能係我潛意識知道要起身，所以連發夢都繼續夢見自己起身。
阿媽拿拿聲煮早餐俾我食，跟住我坐的士返工，去到商場門口，已見有一個阿叔係到等緊的士，那我行高少少去截，有機會可以截對面線o既的士，後來有一架的士停正我同阿叔中間，起初我唔想行落去追，唔想學上次搶我的士o既婦人，因為我覺得那種女人像潑婦。但我見個阿叔又唔追上去，跟住有一個比更遲出現o既男人又望下我先，佢猶豫緊好唔好上呢架的士，既然我覺得係我第二個來，所以我咪行落去上左呢架的士lor!一上車，個司機問我去邊，我話去黃埔，咁佢就叫我上車，原來呢個司機正想去黃埔接佢老婆返工，佢車正我，真係超順路!

雖然呢個禮拜係適應週，小朋友唔駛上堂，但我又驚佢地會懶散，所以都要佢地寫下中文生字，叫佢地自己寫簿的封面時，竟然璟熙唔記得左自己個名點寫，天啊!你屋企人真係唔多理你lor，明知你呢個弱項，都唔係暑假好好咁train下你。

放5:00，執番整齊個課室先走，坐5:30車回家。

PS細梁今日又送番個Hello Kitty電話保護貼俾我，佢話係媽咪做廠個朋友俾的，真係好!大家係到交換禮物!