車天車地 一個有好多回憶既地方!!!

106愛的鼓勵 0訂閱站台

17-6-08(二)6:15起身，就睇讀2006學前課程教指引，同埋熟讀假設考官會問o既問題和答案。瞓左6個幾鐘，都係好眼瞓，無論瞓多瞓少都係眼瞓，不如瞓少d吧!

7:25call阿何，話同佢一齊撘的士返工，其實我返8:30，唔駛咁早出門口，不過見落緊雨，我都會撘的士，同人一齊撘兩份會抵d，7:35係雪糕店對出商場門口等的士，阿何著了製服，可能司機以為我們是學生，不肯開埋來。

到第二架的士停了係我地前面，我地想開門時，有個師奶衝了出來開車門，話佢自己截先，跟住叫佢對仔女行過來上車，我同阿何係到o嘴，跟住見個司機黑臉，然後閂了車門，開車走左。可能個司機見我地唔出聲，佢就幫我地出手取公道。

到第三架的士時，又係停係我地前面時，有對學生情侶就話隔車係佢截先，阿何冇理照上車先，跟住對學生話而家d人係咁賤格，阿何應佢地：「係呀!我係呀!」hahaha，阿何真係應得好抵死。

係大家樂門口落車，阿何係大家樂買奶茶，我就去聖安娜買麵包，跟住8:00回校，我從未試過早成半個鐘回校。冇計啦!有教育官員來督學，早d準備會安全d。

8:50兩個督學官o既阿head入來問我，話K2小朋友18個，K1 29個，咪好迫唔夠位玩LOR，我話會開埋地面玩具，不過我相信佢都覺得課室空間太濟迫，但這也是個事實。

D小朋友呢輸都被我train到安靜左d，冇咁嘈，所以三班小朋友一齊食野時，也不嘈，課室管理合格。(但仍有人食得慢，那就算吧!今日等別日子，唔食都俾你收野。)

督學官成朝只係睇了我分組同埋小朋友臨睡前我在講故事。佢成朝多數睇阿Lo同細梁帶活動。

1:45時，兩個督學官分兩組見我地，我同細梁、細黃一組，一齊見組長，d問題都答到曬。

不過我地過評估週被佢話唔得，好似考試緊，同埋這不是繼續評估。Well，我地冇得博，因佢說得對。

最搞笑個題係問我地返工o既班次，然後幾點走得，細梁話15-30min，跟住佢話你地唔駛留低做環境佈置咩!細梁答我地在學券制下有協助老師，可以幫手整野，考官話都要入一組睇仔架，跟住細梁被截住了，考官指住我話：「你答。」我話d老師要返學lor，咪可以早走，佢話係日日都返學，我話星期六少d小朋友返，我地可以輪流出組，佢問我地幾多仔返，我地話三十幾，咁考官話2個老師睇仔，4個人做野，都合埋。好o野!過關!

跟住下午我講聖經故事，佢都冇入o黎睇，我還以為佢下午一定睇我tim。

放學4:30，督學官見家長，我同d小朋友係大肌肉室玩遊戲，跟住4:45佢地開始傾計時，我就同小朋友出音樂室，幾個老師一齊企下音樂室夾番d問題o既口供，真係好得意，平日我地鬼死咁忙，邊得閒止係音樂室打牙教。不過今次特別在連校長也在其中。

5:30放工，5:45家長傾完，我去了問陽陽媽媽同正昕媽媽d官員問咩問題，佢地話大家好似傾計咁，都冇咩特別。我6:00前leave，6:30前已到地鐵站A出口，等埋Kelvin，一齊上工聯會，上到去房課仍未開門，同阿卓、焯然、Kelvin幾個係大堂傾下計。

上堂時，阿sir講得太長，學生少了時間捉棋，我同一個學生捉，讓佢9子，我行埋d好過份o既棋，d死子就去殺人d活子，搞到蘇蘇、Joey話我係到製造騙案，專扼人，冇錯!捉讓子棋就係蝦人唔識，如果唔係點去win番d地。

落堂後，成班人上棋子，胡生也係到，跟住14人一齊去潮樓食飯，有我、Kelvin、Dranell、蘇蘇、Joey、胡生、阿卓、阿澄、Elvis、心明、焯然、Amy、阿恆、Simon 。

食飯時好熱鬧，各有各傾，不過睇來最悶應該係阿卓了。好似冇咩人同佢啱傾。

當Elvis遇上心明，簡真係一個絶佳組合，兩個講野極絃o既人在一起，可以一齊研究命理。

飯後同Kelvin、焯然、Amy、Dranell、蘇蘇一齊去麥當勞食雪糕，今日終於挨過一難，所以心情好好，再加上埋雪呢種催化濟，簡直perfect，更好o既係今晚o既晚餐同雪糕都係由Dranell請的，佢請左我同Kelvin，因為佢欠我地呢餐都好耐了，佢話佢今日人工已俾曬我地了，kekeke!!!多謝曬!!!!

食到成12:00先走。

18-6-08(三)下午開會，同校長一齊研究番d督學官問o既問題，大家夾番口供，到5:30時，我同阿何係課室，正準備收工執野走時，校長入來話襯d小朋友唔係到，同我地講件事，突竟佢想講乜?

校長話剛收到督學官電話，話梁小姐(不是組長那個)因早上跌襯手，所以明天不來督學，改為7月11日，校長同佢地傾過臨近畢業典禮，改都要7月4日，聽完後，我大叫了「呀!!!!」一聲，唔係咁樣玩野呀!咁遲先再來，d佈置又要轉改曬，教具要做過曬，教案又要執過，更糟o既係一心諗住唉埋明天，下星期可以開開心心去旅行，結果去旅行可能因此而心掛掛而不能盡興了(其實我唔會心掛掛的，因為我一定會整曬D野先開開心去去旅行!)只是現在的心情一時間總不能接受。

同D同事係音樂室到食野同埋互相訴苦，跟住同阿何一齊出旺角，一齊行街，佢等男朋友，我就等少敏收工先一齊去報旅行團。

阿何陪我睇飾物，因答應了Kelvin幫佢買禮物送俾佢朋友仔(佢朋友仔畢業)，睇過westwood d電話繩全都over budget，跟住去睇飾物，係mac look到睇手鍊，幫佢攔到手鍊時，亦都簡了條俾自己，其實我都好少帶手鍊的，多數鐘意帶耳環，不過阿何同sales都話呢條鍊帶得好好睇，加上阿何係member，有8折，既然咁抵，就買了下來。

買完野後，阿何佢地去食飯，而少敏8:00打來都仍在電台未出來，那我先去旅行社到睇資料先。

行地鐵站過銀行中心時，打俾Mandy，佢禁啱又係旺角地鐵站，所以我落埋去入閘處搵佢，佢同偉仔正準備返屋企。我都冇見過佢地了，見時呢位好同伴不知幾開心呢!Mandy話都本來想約我今晚食飯，不過又驚約得遲，結果冇搵之下，我地都可以相遇，反正原來我本身都唔得閒，你隻死野，冇搵就冇搵︳重咁鬼多藉口一.一!

後來同地兩個同我一齊上了銀行中心睇旅行團，係永安果度，個服務員好有禮貌，我不斷問佢要27號出發o既團o既資料，佢都好有禮貌咁幫我搵資，臨走前，我問佢有冇客戶意表，我想表揚下佢，佢話有重即係攞俾我填，於是我係張from到讚佢，我話佢親切友禮，發揮了香港好客之道，Mandy作了句重勁，I love Hong Kong，Because of you。

對上一之寫意見表讚人，又係同Mandy一齊，我係度讚大快活個員工服務態度好好，個經埋重驚死我地是寫投訴。

寫完意見表，個服務員送我地離開tim!令我回想起上次係Gucci，又係個服務員送我地走。真係香港有禮人人愛!

出了永安，我地係康泰門口等了一陣，少敏都來到了，佢話佢係報紙見到d更平o既旅行團，於是我地都冇去到康泰報馬來西亞個團。

之後Mandy佢地返屋企，我地就去潮樓食飯，潮樓有折抵去，食到成10:30先走。已經連續兩晚食潮樓了，如果明天同棋友又去多次，就但連中三元。

早幾晚都好早瞓，今日夜番瞓，就有好多人同我msn，如果傾到成2:30先瞓。其實都冇咩所謂啦!反正早瞓同遲瞓，我都係唔夠瞓，不如夜瞓抵d，不過長期這樣，個人好易殘的。到時救唔番咪死。