車天車地 一個有好多回憶既地方!!!

106愛的鼓勵 0訂閱站台

12-6-08(四)發夢夢見外評o既考官，係學校周圍巡，並指住指到唔得，果到唔得。感到好大壓力，但現實中我一直都唔覺太有壓力，因為大多事情都能如我所訂下的時間去做。莫非其實係有d壓力，只是我一直唔覺，但係夢中反映了。
下午小朋友做天父世界作業時，我見珮芝、樹巨、浩鋒將摩西過紅海的圖畫o既海填血色，佢地真係好得意，將紅海填紅色，被個名字騙了。

放5:00，6:00前已到棋社，kelvin同傻狗早我一班升降機到棋社，傻狗話佢地之前一齊去了睇禮物，因Kelvin想買份禮物送俾以前o既同學仔，因同學仔畢業。Kelvin叫我幫佢買，因為成日行街，車…我查實好少行街的，我只係鐘意出街食野多，只不過係食野之前會行下啫。況且我都只係鐘意買耳環，所以好難幫眼wor。呢d禮最好咪就係送鍊、銀包、電話繩、心口針果d lor!
今晚棋社來了個混血兒Jeremy，混血兒真係混血兒，個樣點都好睇d，不過靚仔都係攞o黎欣賞o既好!

上堂時，Dranell話請Joey入來講下棋，嚇得傻狗即刻走左出去，傻狗咁驚Joey，就係因為Joey特別喜歡對傻狗毛手毛腳，兩個男仔玩d咁o既野，真係毛管凍，傻狗很替你可憐啊!

晚飯都係潮樓，細寶話上星期四上完堂返屋企同我捉棋，我連win三局，搞到佢果晚發惡夢，不斷被d白子追殺(d白子真係識郁架!)好搞笑，我記得我同阿Frank捉過一盤棋，我死左條龍，就失眠，不斷諗點解會死，而佢亦都失眠，因太開心，圍棋真係會上隱的。

13-6-08(五)5:00放工，留校做野到7:15，跟住call Dranell睇佢到黃埔未，佢話出面好大雨，既然大雨我就攞埋把大遮出門口，明明d同事都話我聽見d街o既人都冇咩開遮，而我又好心信Dranell，結果係我d同事啱，只不過Dranell冇帶遮，任何o既雨對佢o黎講都係會大雨la，真係寫個服字俾佢。

同Dranell一齊坐巴士去九龍城，跟住行去九龍城廣場，會合埋King、Kirsta同Helen，然後一齊上慕絃屋企上一個美容護皮膚班，一睇清潔下塊面同做下mask，然後雨邊皮膚對比下，今晚最大得著係將來洗面要洗埋條頸，頸也是需要保養呢!

Wendy因工作關係，9點幾才來到。

10:00leave，一齊去食小曼谷，本想飯後去金滿堂食甜品，但11:30離開時，外面下著大雨，加上好累，還是早點回家吧!因下著大雨，所以有藉口坐的士回家，返到屋企沖完涼又精神番，結果同Amy捉左盤棋先瞓。

14-6-08(六)早上下大雨，我驚愛晨徑會水浸，所以又去左撘的士返工。平時慳慳埋埋d車費就係留番o黎撘的士。

放1:00，跟住坐6X出尖沙咀，係地鐵車頭到等曾子，順便搵番d福音魔術點玩，對上一次應該係舊年表演過被全校小朋友睇，之後都未掂過了。

本來約曾子1:35，但我1:20打俾佢，佢先剛係火炭上火車，於是我打電話俾Kelvin話佢知我會遲d先到天后，我都費事打俾Dranell，因為佢都從未準時過，同一個會遲到o既人講我會遲d到都係sign氣。

曾子來後，我教佢用d福音魔術道具，查實當街當項做d咁o既事唔係咁好，俾其他人知道魔術o既秘密就唔好玩了。

教完曾子，就見到Kelvin o黎左搵我一齊坐地鐵過海，佢話佢過來諗住睇靚女，可惜，你個如意算盤打錯了。

去到金鐘時，又剛收到Frank o既電話，佢又剛入左地鐵站，所以等埋佢一齊過天后。會合埋Dranell就一齊去食飯。

楊生好好唔收我地入場費，於是我地買了盒朱古力去上去。

3點幾上到去，同阿恆o既學生捉棋。同一個小學生玩，佢好搞笑，知自己行錯左，會自然自語說千期唔好行，同埋佢輸了，都要係d死棋到繼續行，跟住佢d師父入來叫佢投子，其實捉棋都好，可以讓人培養棋品，即使做人處使也要拿得起放得低。

之後同一個8k的阿sir捉，條大龍被我翻生了，本來有機會win，但最終輸了。最後同一個5k捉，一開始怖局已輸，但開心o既係我係人地地盤到亂行棋，搞到佢都避忌，要補下棋，原來搞到人地煩煩地都幾好玩的。Keke!

7:00左右，玩下棋社d智力遊戲棋，都幾好玩。跟住7:30leave，同Kelvin、Dranell、阿恆一齊去食飯，竟然食左成3個鐘。10:30leave，行去維園門口坐103回家。