車天車地 一個有好多回憶既地方!!!

106愛的鼓勵 0訂閱站台

10-6-08(二)返9放6，難得地D小朋友係5:55分就走曬，即刻換衫，6:00即閃，坐到6點零幾分的212出旺角，撘早一班車，冇咁塞車，6:30前已到油麻地，係OK到搵埋Kelvin一齊上工聯會，好彩一齊上工聯會啫，是關係又未到，我地貿然入個班房可能會好奇怪的，於是我地攞下d課程o黎睇，等埋阿sir來到就一齊入課室，入到去見到Amy，跟住到上堂時，Elvis就見到我地都坐係到，去到中途中時，又突然見到阿恆都係到。

其實我都感到好特別，因為大半年前就係年到跟Dranell上圍棋中班，估不到大半年後以師姐的身份來上多次堂，然後同佢d學生捉棋。本來阿sir有叫我同Kelvin出來講下棋，米玩啦!咁突然，完全冇心理準備。

跟住同三個人同一時間捉授子棋，讓9子，好鬼難捉，一來捉三個人好分心，二來其中兩人一開開始，就自圍地，嘩!咁點捉呀，好彩後Dranell係後來我同個阿伯捉，那個阿伯原來以前都有捉過棋，不怪得行得有扳有眼。之後專心同另外兩個人捉，我唯有不斷進攻，入人角，去圍地，咁先至生存到。

8:20落堂後，就同Dranell、Kelvin、阿恆、Elvis、阿澄、Amy、同埋另一個又係教書o既阿sir一齊上棋社，阿恆覆我同Kelvin早幾日那局。覆到9點幾後，就走了。

同Dranell、Kelvin、阿澄、Elivs、阿教阿sir、Amy、阿卓、Joey、蘇蘇一齊去食毓民牛肉麵、呢間野d麵又淡又少，而雞扒我又唔食皮，咁剩番o既肉又少，結果食完都好似冇食過野咁，還是品味人生好d!

食到10:30就走，難得咁早走，係因為我地早走左去食飯。

返屋企同個11k捉10秒快棋，起初我落後，但後來佢被我殺了兩埋棋，本來我領先幾十目，但後來唔小心成隻左上角，俾佢食番，10秒快棋實在太難捉了，所以錯一步就死曬，結果我都險勝1.5目。

12:20TVB重播衝上雲霄，呢套又係一套我以前好鐘意o既劇集，如果呢期捉少d棋，我應可以好好睇番呢套戲。1:30瞓。

11-6-08(三)7:00起身，都唔係好夠精神，一起身就見到天陰陰，收到阿龍send o既 sms話我知佢個邊落大雨，我呢邊未落，但已然天陰陰，我已係到諗，一落大雨，我就撘的士返工!

幸好到出門時，冇落雨。

芊芊一返來就攞住排朱古力同我講「chocolate、chocolate!」多謝曬，果然係我個女，識得tum我開心，是關佢琴日帶了糖返來請小朋友食，跟住佢亦都攞d糖俾我食，我同佢講我唔鐘意食糖。結果佢今日就攞了朱古力俾我(因為我好耐以前同佢地講過我係鐘意朱古力的)

放5:00，留係學校做野到6:00，跟住坐212出旺角，會合少敏一齊去銀行中心o既旅行社睇旅行團，本身上去日本，但都幾貴，同埋少敏又去過東京了，不想再去，而去北海道、大板等o既行程也不是很吸引，而且都好貴，而去台灣o既橫島遊，其中有2天會去台北，而台北我又去過了(更麻煩o既係一定要6月27日成團，同去5日o既行程，由於時間太趕，一係d團唔成團住，一係d團full曬，所以可以簡o既選擇好少了)，所以最後大家都決定了去馬、星團五日。(團費2999+950燃料費和出入鏡稅+400導遊費。)

要等佢明天開埋會，睇埋d工作scale就可以落實了。

係康泰等緊問行程時，少敏接到朋友電話後，跟住就話唔同我食飯了，你竟然撇下我，太過份了。

8點幾回家了。