車天車地 一個有好多回憶既地方!!!

106愛的鼓勵 0訂閱站台

10-3-08(一)8:00起身，超累，重要琴晚發惡夢，夢見自己留低左個Gucci袋，返轉頭搵時，個袋就係到，但銀包d錢同d卡就唔見曬，真係麻煩，但只慶幸那個人都總叫留番個袋係到，冇攞埋。更好彩o既係呢個只係一個夢。

下午開會，好眼瞓，頂得好辛苦。放6:00，買kfc回家同阿媽一齊食，跟住7:25瞓覺，(本身拎埋d教案返o黎打同埋諗住寫埋編網頁文章)，決定訓到12點先起身做。

12點時係起過身，但過於疲勞，所以繼續瞓。上星期又唔夠瞓，同埋琴晚做姊妹，累到死，所以今晚要瞓番耐d。

11-3-08(二)7:00起身(瞓左11個半鐘)，同阿lo調左班，由早班(返8:00)變中班(返8:30)，咁就可以唔駛咁早起身去煮早餐，因為又開始食西柚餐了，早上校長又o黎吹我交網頁小組o既文章，我同佢講問佢可唔可以寫，因為我呢個星期又要交幼苗坊o既野，又要交網頁小組，同埋我話下次唔好再俾兩個teen都由我揹飛，佢話我可以一早分配俾人做，我話我一早就已經叫了社工去交網頁小組o既文章，但你又話佢上次做過，今次唔好由佢做，咁咪由我寫，佢冇聲出，跟住佢出左去，再轉頭佢入番o黎搵我，話佢已經同社工講左，話社工已經做緊，好彩我講番件事俾校長知o者，如果唔係我又寫，社工又寫，到時真係sign時間。
Lunch時一口氣打左半個月教案，還爭半個月教案，明天應該搞得掂。

放5:30，坐5:50車回家，食飯沖涼後，睇埋同事三分親就覺得好眼瞓，8:30訓覺了，又較個鐘12:00起身，點知起左身想瞓番時，又要過一輪先瞓到，下次都係唔好較鐘，直接瞓天光好過了。

12-3-08(三)7:00起身，琴晚又瞓左10.5個鐘，連續兩日都瞓多過10個鐘，义夠電了。

Lunch又打埋餘下那半個月教案，手頭上o既工作已續漸清減，真係要係easter前清鬼曬手頭o既工作先得。

放5:30，行吉之島，見tropicana o既西柚汁$21.9，已過期日較我早兩日見到17-3-08遲到到8-4-08，所以即刻買多6枝回家。買了6公升果汁，真係超重。坐5:50車回家。

睇10：45新聞簡報，話明天開始，小學、幼稚園、幼兒中心、特殊中心都開始停課至3月28日，新聞第一次宣佈埋連幼兒中心都會停課，以往教育局只會講停幼稚園，而家合併左係會好少少。

新聞簡報一完，就收到阿蒙電話，我以為佢第一時間想同我講停課呢件事，但原來佢都唔知道，於是我話佢知。

佢同我講一件好重要o既事，就係佢已經搵到新工，我好愕然，佢話佢早係新年時已經搵工了，原因就係佢適應唔到。唉...難得做番同事，佢又要走了>.<