車天車地 一個有好多回憶既地方!!!

106愛的鼓勵 0訂閱站台

13-3-08(四)停課冇仔返，可以好好咁打教案，打反思，清文件。9:30老師、嬸嬸一齊開會，傾停課時的功課、清潔安排等，10點幾可以做野了，我就打埋半來呢個星期要交o既下半份教案。明知重有2個星期可以做野，一切手腳都放慢了，好有多年SARS停課那種感覺。

放5:30，走o黎行到巴士站時先發覺那條姊妹裙未拿，行返學校拿，跟住坐6：00班212出旺角，先那條裙去整，順便話埋佢要我俾多$15蚊去車個bar帶位都爛，又要我再整過，而腰帶塊布後面又冇洞，重咩成整裙都係布頭布尾o黎整架!那時間鋪頭有一個人客，如果冇人客，佢d態度可能會更差。

跟住我上棋社，今日夾埋由工聯會過來d同學一齊上，連Eva、Raymond都返埋o黎，有成十個人，氣氛就好熱鬧，不過前半個我、阿寶同Frank就做死活工作紙，有D悶同浪費時間，到下半堂覆局先有野學下，上完堂同Eva傾下計，睇佢咁耐冇返，慣唔慣，佢話初頭都驚唔慣，但o黎到，阿sir從頭教起，咁佢都ok，佢同Rrank都問我同一個問題，問我係咪可以放假，查實我係要返工的，只放紅假，不過冇仔返，所以可以清下文件。

今晚上堂前後都同Kelvin捉棋，都win，Dranell話係咪大師姐會贏?咁証明上堂有用lor，同埋我都勤力練習架!

之後同Fiona(棋社新同事)、King、心明sir、Killer、Dranell、Kelvin一齊食潮樓，心明sir都係一個吹水人，好惜搵話題，連壺、碟d雞圖案都可以研究一番。同埋佢話佢當年攔文課讀，老師問佢點解，佢唔好意思答老師因為文科多女仔，hahaha!食到11：30走了。

14-3-08(五)早上執下仔D功課，跟住睇門訓功課，下午打番之前做o既設計活動report，我、細梁、阿Lo、阿何係電腦室一邊傾下計，一邊聽下詩歌，都好捨意。咁就一天了。

上門訓，由於唔駛放工留下做門訓功課，6:05即閃，可以好早出到油麻地，買麥當勞o既田園沙律同麥樂雞(6件雞都要成12個幾)，夾埋就要31個幾。早知要番雞扒沙律啦!22.5平好多，不過食得多有d厭，所以轉下食第二種肉。

上堂10：50落堂。

15-3-08(六)終於到短週了，可以瞓妟d，12點先起身，跟住煮早餐，1:45出門返教會，行103巴士站附近遇到煎pan，同佢一齊返安素，今日teenzone講男同女的表達方法，玩遊戲，其中是分男女兩組寫出正負面的情緒，然後自己組選擇一些情緒給另一組的人去表達，並給對方的組員去估，原來女仔表達方法係好d，從表情容易讓人估到她情緒背後的情緒。所以女仔的表達會給男仔好，我總覺得男仔鐘意收收埋埋，有事唔會同人講，可能是唔想煩到人，有咩事自己搞掂。而女仔就鐘意叫人估佢做咩唔開心，乜都叫人估。(我一定唔係呢d人，基本上我d情緒寫曬面，人地問到，我會講，個d自己唔想講的，我直頭唔會表現出來，人地都唔會知我有事)。

16-3-08(日)係屋企自閉左一日，係一件好事，有好多野可以做，同埋開始追惡作劇之吻。晚上同阿媽出大排檔食飯，行經商場斜路回家時，竟撞到陳樹巨同佢父母(佢地一家去游水)，真係搞笑，咁都撞到學生。