車天車地 一個有好多回憶既地方!!!

106愛的鼓勵 0訂閱站台

19-7-07(四)放5:30，跟住坐小巴去又一城，同阿鵬去了麥當勞到等鵬嫂同phoebe o黎，係得麥當勞，今餐又點會少得朱古力咖啡奶式呀!

7:15去睇哈利波特鳳凰會的密令，戲院o既冷氣實在太多了，所以借了張毯o黎用，雖然好爭毯鞋十十既感覺，同埋「hi」到雙手既濕疹會痕，但為左唔想病，病左點去旅行呀!所以辛苦下都要。

鳳凰會的密令比下之前幾集，麻麻地啫。

跟住去taste買da dalce o既棒子朱古力味雪糕，留返放大假時係屋企時。

20-7-07(五)lunch時，校長叫我入校長室講番我填學校意見既問卷，我話佢可否按d暫托生是否有實際需要要收，佢話學校用暫托生位當俾d小朋友試讀，ok我接受呢個答案，我明白學校收生同樣重要，但係我舊年8月一個老師睇廿幾仔，重要有三個特殊小朋友，再加暫托，我那個月好辛苦好大壓力，佢話當時學校只得六十幾仔，所以已收暫托仔。我再問佢點解唔分配下d人手來幫忙，佢話那時d老,師唔睇聽佢講，車…你係校長o黎架!你管人都管唔掂點做校長。算啦!呢件事過左就算。

校長話踏入第三年，唔想同老師重咁疆，問我佢地諗法，認為問題係邊，我都係佢請，都唔想佢咁慘，為左學校好，我都會講事實俾你聽。

我話大家溝通唔夠，好彩上次陳錦盈去旅行訂飲盒既事宜，你同佢改左餐單，做咩唔話聲俾我聽，佢話個家長知道佢改了飯盒數目(我係今日由佢講先知)，到家長當日唔記得訂了幾多個飯盒，o黎問我，你話我點答，校長話我應該到時係要用能力去解決呢d問題，我答佢我即時係有能大解決到呢個問題，但係你可唔可以下次同我d家長溝通後，同我講一聲，但我唔好一頭冒水，佢就話佢唔係唔想講，佢話佢試講俾老師話佢煩，我話我唔你煩，你可以用呢個方式同我溝通。

其實你不斷搵藉口去解釋你既出錯同問題，又唔接受人意見，呢個咪就你既問題lor。

我同佢講我認為作校長要有決策權，成日因為人地o既意見，而舉棋不定係唔得，好彩老師同嬸嬸關係都ok，如果唔係到時就會好嚴重，佢話佢試過決定左一d野時，d老師話「校長你都決定左。」其實我都有聽過呢句野，咁聽左又真係難頂，但你做得校長，收得人工，當然有d野要識得去面同處理。

佢話佢都好多壓力，又要面對上頭交中人數問話，下話o既人又唔合作。佢又提番俾老師投訴既事，問我知唔知，我話知d，佢話d老師有投訴埋我，話我有野做得唔好，佢做校長唔管我，佢話呢d事過左去就唔好再問，同埋我而家同大家關係都唔錯。校長你有冇搞錯，講d咁既野俾我聽，你係咪想分化呀?竟然過左去，同埋我同大家關係都唔錯，你再講o黎做咩?係咪靠害，唉…

放工時猶豫緊好唔好去書展，因為有免費飛(學校書商送)，其實一個人都冇咩所謂，因為一家人鐘意行邊都得，但係今日我又有點累，同埋屋企實在太多野了，睇啱野我都未必會買，咁樣專登去書展，好似有d浪費車錢，所以都係唔去了。

本想坐6:10巴士，但太多人想唔到車，距離下一巴6:40巴士，有成半個鐘咁多，所以去了剪頭髮，剪完6:46，想去坐7:00既巴士，但樣太多人會上不到車，於是再行多陣吉之島等7:30巴士。
回愛民後同媽媽食大快活。
我真係太累了，11:00就睡。