車天車地 一個有好多回憶既地方!!!

106愛的鼓勵 0訂閱站台

10-1-09(六)6點半起身，7:50到出門口，坐103去竹園，落巴士後上平台，遇到偉仔，於是一齊去搵雯雯層樓，我明明記得係柏園樓，但偉仔又話係桃園樓，上到桃園樓發覺唔對路，人地門口又冇貼紅紙，再打電話去問家媛，先知去錯地方，估唔到未玩兄弟團，就先被兄弟玩左先。

     跟住繞番個大圈先到柏園樓。

     今次第六次做姊妹了，真係做到悶了，我只係爭姅娘未做過，希望我d好朋友快d結婚，等我可以做一次姅娘啦!

     其中一個接新娘遊戲係要將中文o既愛的宣言釋做英文，浩堅其中一個兄弟好勁，可以番譯到。

    今日得8度，著條姊妹裙，再加件外套仔，真係極唔夠衫，凍到死，加上雯雯著竹園，獅子山下真係好鬼大風，凍鬼死。所以都冇影到相，直到去到男家屋企，傲雲峰大堂到先影下相。

   跟住食lunch，之後同媚媚、偉仔、寶文一齊跟阿勝車返教會佈置同練歌(獻唱藍天做証)。

   2:30時，雯雯父母未到教堂，所以典禮再延左20分鐘先開始，林牧o既訓勉都較短，成個典禮，一個鐘左右就完了。

   之後同Health、Phoebe、偉仔一齊跟阿勝車去晚宴會場，北京道一號o既帝庭酒家。呢到個場能一覽維港景色，不怪得要早2年book場了。

   今次難得係會場唔駛幫手，同Phoebe、heath、偉仔一齊打麻雀，不過之前鐘意捉圍棋後，對麻雀熱情真的減退不少了。

   今次做姊妹要幫手送客，唔知係咪抄念念呢!之前做咁多次姊妹都未試過送客，係上個月係念念婚宴到見到兄弟姊妹幫手送客，所以今次先要呢?

   之後幫新娘執埋d野十二點幾先，去到小巴站都趕唔切坐尾班小巴，加上又大風又凍，都係無謂行去碼頭坐巴士了，還是坐的士吧!

 

 

PS我條姊妹裙媚媚個條好似架，其實重有一另一個姊妹都好似，可惜冇三個一齊影相。

文章定位：

我要檢舉

台長： 車人

您可能對以下文章有興趣

最佳組合

唔可以再一個人去飲

聖景採排

黃山之旅 第三天 宏村

人氣(127) | 回應(2)| 推薦 (0)| 收藏 (0)| 轉寄
全站分類: 不分類