車天車地 一個有好多回憶既地方!!!

106愛的鼓勵 0訂閱站台

11-1-09(日)返崇拜，跟住去主日待奉團o既分享會，同Edmund一組，簡鳴鐘待奉，學下點鳴鐘後就走得，跟住去以前渣打銀行隔來新開的茶餐廳食野，跟住力so、穎心、Chris、Vicky都有來。

 

    之後同瑩瑩做facial，3:30係銀行中心會合番Edmund、點知Chris都o黎埋，Edmund你做咩俾Chirs跟埋來呀，你唔係打算俾Chris同我地一齊去旅行怪，Edmund話佢去café坐時，又見佢，佢話佢想買機票返加拿大，唔係怪，佢父母上個月先返左o黎香港，佢又點會番去探佢地呀!

 

    之後Sarah同焯賢都o黎到，我地行銀行中心o既旅行社，去星馬o既團都full曬，結果我地簡左星晨o既韓國團，雖然我有濕疹，其實去d凍o既地方會起得好勁，但可以去滑雪同浸溫泉wor!我又未過去過滑雪，所以都好吸引，最後亦都報埋名了。

   

 5:30左右報完團，跟住同Sarah行朗豪坊，然後過銅鑼灣搵表妹，一齊食和民。

 

12-1-09(一)Lunch 係課室入面到打電腦，係就係黑左d，但可以睇實班仔瞓覺，唔駛佢地作反，同埋可以更專心做野。

 

    放工出尖沙咀同阿霖食翠拉麵小籠包，跟住去佢家姐Zoe到買洗頭水，因為我懷疑我用錯洗頭水，所以好多頭皮，Zoe話我頭皮敏感，所以要有買番枝好o既洗頭水補番下啦!

  

跟住再去starbucks 到飲野。

 

13-1-09(二)好累呀!但上堂都冇釣魚，因為今堂中國文化講中國神話，神話係我好有興趣o既topic，所以點都會聽。

 

14-1-09(三)終於打曬下學期進度表了，當堂鬆曬，重有時間同阿何一齊上網研究整咩水晶甲款。放6:00，同阿何一齊6:10巴士返愛民，跟住行萬寧、屈臣氏、然後去佢屋企借太陽眼镜。

   

係佢屋企係望到商場天台全景，我剛剛早輪先諗起商場天台係我小學時候會去玩o既其中一個地方， 所以好想想去行下，睇下有咩變到，而家係阿何屋企就可以睇到了，小時候玩o既滑梯、攀登架已拆了，但可以當滑梯玩的斜台仍在。

 

15-1-09(四)又有ied導師來視學，今之係睇「比比和朋友」，我以為我約導師3:00，見佢3:15都未來，咪開始上住堂先，到佢3:30來時，我都上左一半，跟住4:00上完了，同導師溝通番，先知原來我fax時間紙俾佢時係講3：30，錯怪左人tim，anyway順利過關!

  

  導師都讚我班仔有幾個人(陽陽、阿宜)有解難能力，同埋識得代入角色，諗新問題。

 

16-1-09(五)係鳳城食團年飯，食左$2600，汽水都要16蚊罐，超貴，都係泉章居抵d!

 

 

17-1-09(六)放1:00，同阿何、阿Lo一齊坐的士去紅磡廣場整指甲，新年快來了，整靚d先，今次我整左櫻花。

  

  之後坐小巴去阿霖何文田o既屋企，好彩大家姐係屋企，所以我可以借到滑雪手襪，然後回家了，難得星期六可以回家休養下，其實都係一件好事。