車天車地 一個有好多回憶既地方!!!

106愛的鼓勵 0訂閱站台

28-4-07(六)放1:00，跟路去火車站坐火車入沙田威爾親王醫院同雯雯一齊聽護聲既講座，都係第一次咁積極去補名聽講座，可能係實用怪?我打電話問了師妹，佢話係就城巿廣場美心酒樓隔離條電梯落巴士站，轉右坐88k就可以去到威爾親王醫院。

我去到巴士站時明明有望個路線圖，知道架車既方向係去心田圍，但我又唔質疑自己係咪上錯車，我都照坐呢架巴士。

結果2:30時我可以準時下車，but我係去了88k既另一個巴士總站心田圍下車，而雯雯也卻在威爾親王醫院那邊同一時間下車。

我同雯雯講一係我坐番呢架車去威爾親王醫院到搵你啦，但雯雯話一個人唔想去聽講座，最後我地決定去沙田中央廣場食tea。

坐返車去沙田中央廣場時，我就知點解當初會上錯車，因為沙田中央廣場裝修完，我常常記往以前既美心快餐廳既位置，因而落早了另一條電樓，以致上錯車。

去了麥當奴食麥樂雞餐，新出既新加坡醬料好好味!

食完tea，我地坐火車去九龍塘轉地鐵返教會，並準時4點前到達。

要多謝浩堅係我地既週會幫我地搵人help we.要多謝阿牛幫圖書館封窗、借notebook、投影機和蠟燭，好讓我地可以營做一個安靜既環境for週會用。

等到5點幾Shauna都o黎埋，我地既週會就開始了：

首先我地講講Taize既生活模式同埋有d咩…
接著我地唱Taize既歌，有Shauna同我一齊唱，我就可以好放心咁唱，唔怕d英文歌詞填唔番入d歌譜到，唱番同聽番Taize呢d歌仍然覺得好正!

之後係祈禱靜默，可以閉上眼or睇Powerpoint。係Powerpoint到入左Taize既風景相，我都覺得自己d相影得好靚。

靜默後就再唱一陣歌就完了，靜默時見到誠誠睡著了，我諗番當時自己係Taize 教堂入面既安靜環境中，我都會訓著，似乎今次我地營做既環境唔錯，可以讓人relax，就好似我們係Taize咁。可惜係今日我要帶週會，唔可以relax咁安靜祈禱。

有團友覺得我們預備得好好，似次準備左好耐，但實情係…

一心諗住回家食dinner，但後來同Vicky ma 、Dennis賣pizza hut 外賣去
Dennis屋企同埋佢兩個妹妹包包、Goby一齊食。

Dennis間屋係複式，有樓梯上樓上，好得意呀!

飯後一齊唱詩歌。