24h購物| | PChome| 登入
2007-05-29 21:43:06| 人氣27| 回應0 | 上一篇 | 下一篇

記憶好珍貴

推薦 0 收藏 0 轉貼0 訂閱站台

26-4-07(四) 6:00起身，跟住打番泰澤既分享俾總義會，然後7:20又再訓，8:10就起身返工。
今日精神好好多了，因為訓得夠，同埋d鼻水都收得七七八八。放工行去歐化對面等107去田灣探阿婆，等左差不多四五個字先有車，6:42上車，7:26才下車，真係塞車塞到死。係老人院樓下就見到貞姨了，佢肥左好多呀!佢同我阿媽都真係要注重係健康先得。
貞姨帶我上去搵阿婆，跟住佢去了香港仔買參考書俾表妹，因佢明天會考突然覺得會出一課書，所以想睇下書點答個條題目，呢個阿媽真係唔話得。
睇到阿婆又覺得心酸，人老了，不能走動，很少講話，如果我係她，我會否覺得很悶、很無聊?見到佢個樣都唔同曬，我諗即使係街到見到佢，我都唔會認得佢個樣。突然覺得對婆婆既記憶很模糊，反而對公公既記憶會多d同埋清晰d。可能因為阿公以前成日放學接我去萬國普通銀行門口出面坐、我一撘唔到校車時，佢會黎接我放學，同埋會正日買糖俾我食(富明街對面的士多么鳳)，同埋讀書時成日俾錢我洗。
探完阿婆同阿媽行出香港仔會合貞姨一齊食王家沙，食飯時，貞姨不斷同我講投資心得，叫我買咩股票股票，佢講得太開心，連飯都唔食，結果要我制止佢講野，迫佢食野，由於d餸太油利(松子桂魚、雞球雙面王同鮮肉生煎包)，我食唔得多已冇食了。
飯後同阿媽坐72巴士出銅鑼灣，再轉109回家。
老樂(二哥)回家時，我先至問番佢以前阿公係咪成日係富明街對面既士多買糖俾我地食，佢話係同埋間士多叫么鳳，佢講起么鳳呢個名我就覺得熟，我自己係完全醒唔起呢個名。
我同佢講對婆既回憶好似好少，係咪同阿公玩得多d，佢話都係，佢記得阿婆係我細個時會挾住同我洗頭，佢講起我先醒起呢件事，我真係對呢件事完全無印象。如果細細個就識寫日記就好了，我可以搵番我好多既童年回憶。
好慶幸自己係中學時已有寫日記既習慣，因為記憶對我黎講真係好珍貴，我要將我既生路歷程全都記下來。

我要檢舉
台長： 車人

您可能對以下文章有興趣

人氣(27) | 回應(0)| 推薦 (0)| 收藏 (0)| 轉寄
全站分類: 不分類

我要回應
否 是 (若未登入"個人新聞台帳號"則看不到回覆唷!)
* 請輸入識別碼：
請輸入圖片中算式的結果(可能為0) 
(有*為必填)
TOP
詳全文