車天車地 一個有好多回憶既地方!!!

106愛的鼓勵 0訂閱站台

25-2-07(日)就黎降落Dubai時，望住飛機行程表，明明重有20分鐘就可以降落，但之後距離降落時間又越黎越多，架飛機個路線圖又係度打圈，原來係因為Dubai大霧所以唔可以降落。
遲左降落Dubai係因為大霧，相對地往香港既飛機都會遲起飛番，因為之前大霧好多機都起飛唔到dealy灑。
有團友問端蓉(小學副校長)飛機dealy會唔會有人神既啟事呢?端蓉話飛機係外國delay係好平常既事。就因為呢班機dealay，我又多左時間係Dubai買朱古力做手信，其中佩心(同車同我地傾計既老師)介紹我地買左一隻紅棘朱古力，佢話好好食，其實我本身都唔鐘意紅棘既，不過人地介紹到咪買lor，後來番香港開黎食，發覺d紅棘味唔係我想像中那種紅棘味，但又唔係話好好話，但我d同事閒姐同大梁都話好食，想再買。
係Dubai時，我同Shauna各自周圍行，我去了上網，那時香港時間應該係5點左右，我同阿魚係度msn，同埋send左封e-mail俾Samuel，後來聽到廣播話去香港既飛機改了上機位，但我又怕自己聽錯，咪諗住等講再廣播多次先離開，後來收到Shauna電話，佢話我知改了上機位，我咪去新既登機位。之後我都冇再聽到有廣播，呢到廣播只係播一次就算架，太唔專業了。
入閘後又要等一段時間先可以上機，到飛機返到香港時已係係11點幾了。落機後，我同Shauna都分開了行，我聽到機場廣播話無人駕駛列車重有2分鐘就開，跟住Shauna又打電話黎問我係邊，死啦我係唔係唔趕唔切班車架?
我再行快d時，我發覺我已經到了入景大堂，原來今次落機位係好近入景大堂，唔駛再坐無人駕駛列車(第一次唔駛坐無人駕駛列車就可以到入景大堂)，出閘後等攞行理，係呢到見番Shauna，攞完行理後我去客戶服務部諗住登記個行理箱爛了，攞番去整，點知佢話呢阿聯由呢間肮空公司有聲明話大型damage先有得賠，搞錯呀，咁大間公司咁都有架!最後佢地幫我寫了封信證明我行理箱爛了，睇係保險有冇得賠，我份保險好似冇包呢樣野，我諗都係冇得賠架啦!
Shauna同其他住馬鞍山既團友仔一齊坐的士返去，本來佢地話叫埋我一齊坐，車一車我去何文田，我就唔駛啦!我明天都放假，夜返屋企d冇咩所謂，要人地成班人專登車埋我，浪費佢地d時間就唔好了，佢地全部明天都要返工。
去到巴士站，E23尾班車都開埋了，我決定坐另一部巴士出油麻地，然後轉的士，等巴士時有諗過好唔好搵下姚少敏呢，因佢做地勤，但最後都係冇搵。坐巴士既沿途上見到7 –11有d新年既佈置，我先醒起自己成個新年假期都係外國，，除左剛抵達Taize簡介時，何修士同過我地講今日係年初一，所以同我地講新年快樂，其餘時間完全忘記左而家係香港既新年，我第一次新年唔係香港過，感受唔到新年既氣氛，唯有明天再感受過啦!落巴士後，我睇住係我前面拖住行理箱上的士既菲庸，佢件行理明明係超細件，但個司機竟然要佢將件行理放去車尾箱，攞明係扼人錢啫，我從來都係將D行理(最多時係一個行理箱，一個手提行理袋，再加一箱食物)放埋係乘客位，都冇司機話過我。
今日個的士司機同我講話今日好多人落機，D人好難撘車，咁我咪好好彩，因為Dubai班機delay，所以原先8:40下機，搞到11:30先下機，反而就唔駛等咁耐車。
2點幾返到愛民，call老樂(二哥)落黎幫我攞行理。次次我落機後都係老樂落黎幫我攞行理架，某程度上佢都係一個幾好既哥哥，抵我專登去買手信俾你。
回家沖完涼，玩下msn、icq，再hea多陣就訓覺了。