車天車地 一個有好多回憶既地方!!!

106愛的鼓勵 0訂閱站台

24-2-07(六)今朝天氣麻麻，早上有d雨tim，最後一次早禱了，早禱後bible study同小組係canteen開組，最後一次同佢地開組了，有點唔捨得呢!Hugo同Ricky大家都互相分享到大家既屋有幾大，佢地用canteen既枱黎做比較，Ricky間屋就應該只係等於Hugo間房，住外國既人真好，生活空間應該會多好多。Franciska今日都買我做咩我會成日請佢食朱古力，我話食朱古力會使人開心d，這亦是我的至我，我希望佢可以日日都咁開心。
完小組後我同Shauan再次入教堂影相，因教堂中間多了一個四循節既紫色擺設。
跟住番宿舍執完行理時，適逢又Shauan去了toilet，我就出宿舍睇下，現在個地濕濕地，冇再下雨了，雨過天晴，重有小小陽光tim，有一班年青人又係度彈結他、唱歌，呢度真係好開心，一個好熱鬧充滿歡樂既村莊，我係度諗如果呢個時候，可以再俾我見埋彩虹就更加完美了(彩虹係我既至愛，所以我都好鐘意七彩顏色既野)環故四周都冇彩虹，唔知點解，突然靈機一觸，醒起自己帶緊眼鏡(由於今日主要會係坐車同撘飛機，所以今天冇帶con，而帶了眼鏡。)於是就利用眼鏡既折射，將彩虹show係自己件衫上，實在太開心了，內心充滿喜悅，神真係好錫我，連我想見既彩虹都俾我見埋了，我從來都未試過攞眼鏡去整彩虹，點解突然間會諗到d咁既方法去整彩虹，呢d都係神既恩典。當年神用彩虹與挪亞立約，今日呢條彩虹係咪神都想我去紀念我係Taize所發生既呢?
午禱去到一半我地就走了，因本身話駕車會1點到，同Shauna回房pack好曬行理，再準備拖d行理去160房對出既時，其實大家都拖住行理箱，再加一袋旅行袋，加上ds凹凹凸凸既石路好難行，拉行理箱時都有點阻濟，係呢個時候，有一個德國人剛經過，真冇諗過佢見到我地咁既情況後，會主動出聲話幫我地，真的要多謝呢個小天使，在我們還未開口時已主動幫助我們了。本應呢d時候，大家去曬教堂祈禱，有點會無情情有人係度經過，呢位好心既德國人佢都係呢一兩日先到炸。
但係部車遲左黎，我地重有時間行去食午餐，如果知架車遲黎，我地本身都可以完埋午禱先去攞行理都重得。
D團友仔又好好，同d派午餐既人講話我地要趕車，佢地都好好心讓我地不用排隊去取午餐先。
架車接近1:40點先黎，係Susan既表弟開車黎，佢一落車見到我就問:「我表姐係邊。」佢廿幾歲人都重叫表姐做表姐，真的好得意，其實我個大表妹廿歲人見到我都係叫表姐架，感覺都幾親切同得意，但係我覺得男仔同女仔係唔同，所以對於表弟咁樣叫表姐，都總係覺得好得意啦!
表弟都好辛苦，一早6個鐘頭前都已經開車入黎Taize，跟住又再渣番6個鐘頭車送我地去機場，夾埋用左半日黎渣車，真係辛苦曬。
1:47開車，由於太精神，車程上都冇訓過覺，後來就同另一個做小學既老師係度傾計，佢都有跟進註校社工既工作，所以佢後來同Shauna都好好傾。
今次架車細架d，所以中途只需要停一次車便可以了，今次車程都算快了，由於法國塞車，表弟都踏盡油開快d了，5個鐘頭車程就到了，時間真係剛剛好，人地7:15最後check in，我地7:00到就落車，趕得切check in，又一次證明神既恩典係夠我們用的。
法國既保安都會嚴格d，唔準帶液體上機。
我過海關時，個海關不斷將我本護照揭黎揭去，我入鏡時佢都冇蓋印，你而家點揭都係冇印架啦!好彩佢都同我蓋印個出鏡印，好證明我曾經黎過法國。但聽家驅講佢出鏡都冇蓋印，自己好似冇黎過法國咁。
過x光機時，我見有個外國人佢當場將一支液體噴露噴曬出來，我係度諗佢索性唔要樽液體噴露咪得lor，不過佢可能想要番個樽或者係既然都用左錢黎買支野，點來攞出黎噴下聞下d味都好。
經過duty free都冇得睇，因趕住上機，但後來班機delay了，所以有時間去行duty free，重係個機場到買左d地道d既手信，買法國鵝肝醬做手信。
我同Shauan分開左坐，坐中間機位既一左一右，不過無所謂啦!大家係飛機度都各有訓同玩，一唔一齊坐都冇未所謂。