24h購物| | PChome| 登入
2006-06-15 00:41:30| 人氣72| 回應0 | 上一篇 | 下一篇

黑暗老人院

推薦 0 收藏 0 轉貼0 訂閱站台

4-3-06(六)由於下午有親子繪畫班，所以我上午不用返工，調了下午返12-4，行路返工時，打算入渣打整一整野，但銀行好多人，所以冇入去了，跟住就去了吉之島買圖工物料-乾花。
12:00左右返到學校發覺冇色碟，所以又左落番吉之島買，我買了用來做冰的盤做色碟，因為個格位大格，唔怕D顏色出住。睇小朋友到1:00，到佢地放曬學後，我就做一陣自己野(咪又係預備實習個D-報佈整個關於狗為主題的課室)，2點幾就去幫畫班導師黃老師手(以前的普通話老師，現己離職)，畫班去到4:00左右，我4:15離開，去左吉之島食小食–生腸，之後坐212出油麻地，又去永安行左一陣，然後會合團友一齊去廟街傳福音。
我同偉仔、曾子一組一齊傳福音，我地同左一個用美沙同介毒既人傾計，佢話佢都覺得祈禱好舒服，自己也會留眼淚，但又好怕係咁多人面前留眼淚，佢冇申請公援，也想自力更新，可惜佢隻手有事，沒有力，不能做勞動的工作，所以一直搵唔到工作，最後我地留左耶穌在廟街呢間教會既資料俾佢，話佢事星期日可以上去崇拜。
自從上次上三福去過街佈外(2003)，都好耐冇試過傳福音了，今次再次傳福音，也提醒了我 - 社會上有好多弱小的一群是需要我們去幫助和關心的，雖然香港有人會欺騙公援，但仍有一群有骨氣的人想自力更新，希望政府有更好的良策去幫助佢地啦!
回到教會分享番街導的經歷後，就同左Mandy、偉仔一齊去101聽關於老人服務的講座，原來香港政府的老人院是供不應求的，部份私院的服務質素又唔好，(我婆婆同公公都係其中一群受害者，我婆婆試過被老人院d人 “meet”佢大脾，所以有瘀痕，而我阿公常常都會張大個口，不會合埋，我阿姨話係因為佢口腔紅曬，想涼下，並話d人就咁餵d熱粥俾佢食，所以俾熱野辣親，真係離曬大抱)，如果我將來老左會有病痛，不如早d返天家好過。
分享後，同Mandy、偉仔行左去佐敦既翠華食晚餐。

我要檢舉
台長： 車人

您可能對以下文章有興趣

人氣(72) | 回應(0)| 推薦 (0)| 收藏 (0)| 轉寄
全站分類: 心情日記(隨筆、日記、心情手札)

我要回應
否 是 (若未登入"個人新聞台帳號"則看不到回覆唷!)
* 請輸入識別碼：
請輸入圖片中算式的結果(可能為0) 
(有*為必填)
TOP
詳全文