車天車地 一個有好多回憶既地方!!!

106愛的鼓勵 0訂閱站台

27-8-04(五)最後半日係常樂，下午落了九龍城幼兒園，係咁已睇左佢地小小既轉組情況，我收4:45，見到阿何跟車落了來，同阿何一齊離開九龍城幼兒園，回家。

28-8-04(六)上午去了ied聽資訊科技和圖書館講座，識到個曾做過啟思既同學仔，走時係圖書館門口撞到李慧安(局兒同事)，其實我好似從未同佢講過野，大家之所以認得可能係因為舊年一齊讀戲劇。同佢撞到好似他鄉遇故知咁，傾呀傾呀傾，我重怕佢遲到，叫佢去聽講座，及後先知原來佢同我都係一樣聽第一場講座，跟住大家一齊去了圖書館參觀同搵資料，佢舊年都係做藝術區區長，今年就做科學區區長。

打電話俾phoebe，諗住搵埋佢食lunch，知道佢同雯雯一齊，及後要返花店，所以我搵了雯雯同我一齊食lunch，係女人街一間叫一休既日本野到食，好平架，一個set lunch連餐品都只不過係$28蚊，d野都ok，價錢又ok，荀呀!

係ied出到你時都差不多2點，同雯耎食野時，阿姚打來問我幾時返，我話食完野就會返了，食完野行去旺角中心那邊買了西餅，再等28M返慈樂，可能落雨關係，等了好耐先有車。

返到常樂，阿卿第一句就話，我地個好姊妹返啦!突然到句咁說話，從來冇咁樣叫過我，呢刻都唔知點應佢好，不過都好開心佢當我係姊妹。

幫藝術區埋左D手尾，成個室OK後，我就去PRINT番我那些評估表，唉…最後一日係常樂做野，我好唔捨得，早排日日留係到做野，都冇呢種留戀感覺，但係呢刻，我好非常非常唔捨得，我唔想走，如果可以留番係到既話，做兩個N班主任、多D野做又何如，我不會怨的，人真係要到左冇既時候才適得去留戀!

主任7點左右走左，有冇搞錯，我趕住出埋D評估表，就係等佢蓋校印，佢咁就走了!!!

接著他打番電話番來找我，話頭先唔記得同我講BYE BYE，叫我係下面(九龍城幼兒園)做得開心D，餐飯遲D補番。一路聽呢個電話，好想喊，好唔想走，好想留抵。

之後同阿蒙講番主任既電話，就來忍唔到想喊，阿蒙都見到知我想喊，我都忍住。

到8點半可以走得了，我、阿蒙、阿梁、阿卿同愛姐走最好，係大問口時，阿卿發現有一張消防紙唔見了，打電話問主任有冇留底，知道冇之後，我們迫不得意只好去垃圾房搵垃圾。

我從都唔知有張咁既紙，而阿蒙同阿蕭都係今日先發現原來有呢張紙，結果阿卿同愛姐就好落力係垃圾埋中找呢張紙。

最後當然係垃圾房搵得番，我們才離去，大概9點過D先走，估唔到最係呢一日都有D咁難忘既經歷。