1/2/02(日)今朝好唔想返崇拜，但一唸到自己洗左禮，要食聖餐，又怎能懶惰唔返呢，呢個洗左禮既提醒都真係幾好，崇拜後，同雯雯(後早走)、家緩、Judy、偉仔、Heath、Mandy一齊係扒王扒之王食lunch，之後我地去了家媛屋企游水，有問過Phoebe，但佢唔去，要三福出隊。到左家媛屋企，先知原來佢爸爸媽媽讀大學時已識，重一齊影畢業相，真係幸福。家人係家媛家游水，全都是今年職員會的人，除了Maggie冇來，真係應驗左以前我地選完職會時，大家話將來開員會，可以…….Tim。後來見到家緩既阿哥，佢地話佢似吳綺利，我就話佢有d似吳啟華，跟住我地一齊睇維港激光煙花滙演 (家媛屋企好’正’架，睇到維港景色，重有小小海景) 我都係第一次睇維港激光煙花滙演，然後大家一齊食pizza hit做dinner。之後我行加士居道回家。
5-2-04(四)放7:00，跟住同Apple去紅館到等8:00睇激光煙花滙演，係火車站過紅館那條馬路，竟然聽到鄭伊健既歌聲，起初我中以為係鄭少秋果d歌，聽清楚係鄭伊健既我的歌，莫非鄭伊健係紅館，但聽來聽去都係果幾句，應該係播帶，行到去售票處那邊入口時，Apple話佢叫到黃柏高tim，跟住佢話要入去自薦，於是我地係門口扮取傳單係到流連，之後我同Apple衝入欄杆行上二樓入口，係門口既隙到望到入面探有光線，重聽到千嬅係到練歌，接著Apple發現一個入口，只要我地肯行入去，上幾級樓梯，就會叫到楊千嬅架la，但我地都冇入，接著睇激光煙花滙演，直頭由工作人員行出來我地面前做野，我地都冇理，繼續欣賞煙花，但之後d激光係到射來射去，都冇乜好睇，可能我地聽唔到收音機am台介紹放激光既大廈，所以都覺得幾無聊，我地再睇埋結束前既煙花就去了國際都會既樓盤睇樓，睇左傲雲峰，個試範單位既裝修好靚，但單位既實用面積，我就覺得好似好細咁，如果d人唔係跟住我地介紹東介紹西，任得我地自由參觀會更好，因為我同Apple都好想睇同埋搞人地既佈置。
之後我地行了去黃埔既椰林閣食dinner，好好味架，又平又抵，$20有野食有野飲，我最鐘意食肉醬意粉。
8-2-04(日)教完主日學，同Vico和Heath係副堂聽將會送俾Judy個隻碟，跟住同瑩瑩去了全日食到食自助午餐，我以為tea麻麻，但連lunch都係麻麻，所以真係唔好再去食。接著同佢去了bonjour到做facial，d美容顧問為新年期間，每人有$500蚊大利是，我同瑩瑩就用來 ’簡’ 了做一個有魚子精華既facial，之後再送了一支魚子精華俾我地回家繼續 ’查’。
9-2-04(一)爸爸由今日起有三個月大假，放學延展時，我同阿蒙講話實習生梅老師常常回來交野，但另外那個冇wor，跟住啊蒙就話佢好似我那時實習咁勤力，阿蒙讚我，我不知幾開心，跟住佢話果時佢地開會問請人時，佢地都有同我講好說話架。
11-2-04(三)收到一封信
14-2-04(一)今日團契睇忘不了，都幾好睇，跟住我地將團契專錄俾judy既cd送俾佢，佢係到聽時，有眼濕濕架，係咪好感動呢Judy，整cd呢件事係我地係1月1日個晚食糖水時我提議架，跟住一個星期六和日去完成佢。晚上同mandy，Elise、Heath、Chris、偉仔和馬神一齊係聯發到食，之後同Mandy行去加士居道陪佢等6C/6F，我就行路回家。
15-01-04(日)返完午堂崇拜，同團友係扒王之扒食lunch，真係破紀錄咁有成廿幾人一齊食，最搞笑係我同Judy和阿Joe用電話傾電話，講秘密，重被阿坤發現左我同坐對面既阿Joe用呢個方法講野(我話我地係一個講完到一個)，於是阿Joe就叫我一齊講野，唔好俾佢地識穿。飯後回家，晚上與爸媽哥一齊係麗斯食晚。
16-2-04(一)今日太大意，攪到自己浪費左d時間。
19-2-04(四)係園到突然想到21年前既今日，我都重係媽咪個肚到。
20-2-04(五)我生日既大日子，返8:45，上班途中收到第一個由Judy打來祝賀既電話，然後係園門口收到列倩儀畫俾我既生日咭，真係好開心，然後同班仔一齊去海洋公園，雖然開工時間唔玩得，但我都好開心，因為我個人非常喜歡去海洋公園，因為果到俾我一種好特別既感覺，尤其係坐係吊車望落個海到見到海水被太陽照射得閃閃亮，真係好靚，3:30坐車回程，坐車時都唔覺累，但一回到園就突然覺得好累，好眼訓，到5:15收工。
先回家換衫，再行去左敦坐mtr去西灣河，去到金鐘站時，因已走了一班車，我第一次迫入地鐵，個車門更來住了我件衫小小，但我拿返件衫出來後，個車間竟然又開過，為免再來到我件衫，我捉住件衫以免又夾住。好彩過了一個站後，架車就鬆動好多了。去到西灣河會合Apple同Judy一齊食麥記，然後去聽Phoebe隊band既concert，我地遲左小小入去，企左係後面等佢地表現完第一首歌才能入座，一路聽都好累，但都好好冇睡著，跟著約了heath10點係地鐡站，到10點幾個concert都未完，重不斷’安哥’apple就係到模仿指揮家做出完結的手號，真係搞笑。
去到地鐡站時撘7到，Heath等左成9個字，真係唔好意思。
再上文娛康樂中心到等埋Phoebe，Judy早走，跟住其他人一齊去旺角會合Elise一齊去左石磨坊到食糖水，都幾好味。食糖水時，真係好累，都冇乜點講野。
同Phoebe係都有講個幾句野既。食到12點幾走，返到屋企成點，涼埋涼2點幾先有得睡。
PS. 多謝家媛、強哥、Simon係icq上同我講既生日快樂
多謝Judy、瑩瑩、鵬、Joyce、霖打電話來同我講生日快樂
多謝Phoebe同Mandy係電話上既生日信息
多謝Phoebe、Apple、Juday、Elsie、Heath和各同事親口同我講既生日快樂
多謝阿卿同Apple份生日禮物
多謝君雁係日記上同我講既生日快樂
更多謝提團張生日咭
如果有人遺留鳴謝，請通知我啦
21-2-04(六)8點起身，可能昨天行得多，對小腿抽住痛，明白何為累到抽筋。返9點延展班，以為有人延展可以遲d先去職員大會(一年一度全個保良局幼兒園老師、主任、女工一齊出席既活動)，點知會延展那個仔不用延展就走了，所以同埋其他老師一齊去，我參加了飲可樂比賽，用三支飲管駁埋來飲都幾辛苦，後來係大抽獎時間，有20份禮份，係450名員工入面，我竟然抽中了第19份，都幾好彩，其實好多時我都幾有抽獎運，最勁個次就係係新城頒獎禮接近成萬人當中抽16個人，我竟然抽中了，最後得到一隻手錶。職員大會由2:30去到7:00先完。
跟住我同表妹去了和民居食屋食dinner，唔單止d野好食，連野飲都好飲，行去世貿時，係以前舊大丸附近見到張耀揚，係表妹話俾我知，唔係我都睇唔到，佢同佢個朋友都好高大，唔知點解同我表妹一齊都成日見到明星，次次都係銅鑼灣到見到有steven，tiffiny，係世貿影了貼紙張後10點幾就回到家。
Simon係icq提我問Shirley幾時去探佢同佢個仔，我估唔到Simon係咁認真架，因為Shirley話過等BB大過後幾個月就一齊出來食飯，所以我都唸住等幾個月後先算，見佢咁有誠意咪一齊打去問Shirley lor，本來Shirley話明天可以探佢，但唔知點解佢地講講下又話遲d先，後來Simon話都係想聚舊但Shirley好似唔想俾佢探架，跟住Simon就同我約明天一齊食tea聚舊。
22-2-04(日)8點起身，但累到隻眼都爭不大 (咁係啦，先兩日好累)，打電話同萍姐講話我不回來幫手崇拜待奉，因為11點又教主日學、12:30三福重聚、1:30提團開會、2:30主日學開會，直落成日點頂?最後睡到10點身先11點回去教主日學。Lunch都冇得食就到，12:30三福重聚。
今日開提團會run得勁好，雖然遲了到1:45先開始，但2:45前一個小時內已開完，勁快，跟住食由Mandy，家媛、同偉仔夾錢既生日蛋糕和佢地唱生日歌俾係1-3月生日既職員聽，2月生日既有我啦、萍姐，1月既Heath、同3月既阿鵬，如果Judy有來都有份架，但係佢唔舒服冇來。好開心呀有生日蛋糕食和生日歌聽。
4:00係油地恆會合Simon就他一起去探Shirley同佢個仔，我係會合前就再問清楚Shirley話我地會去探佢，因為Simon咁有誠意去探佢就緊係要去啦!!佢個仔都幾得意，最緊要係喊得唔算大聲，探到6點左右走了。
23-2-04(一)4hrs補時+半日AL，睡到10:30起身，再係張床捲到11點先肯起身，但到11:30又睡過，睡到1:15起身，準備2:00和爸媽去稻香食tea，稻香d野真係好好食架，出門口時撞到琪琪 (識了差不多15年既隣居)，佢同我補講番生日快樂，tea後，爸去買餸，媽去探阿婆，我行去黃埔坐free bus回家，回家前先去了冒險樂園玩一陣，玩果部小丑機中了老虎機30那part，gain了250張票，都係第一次中。回家後，聽歌同寫下portfolio，晚上食完晚後，就玩大富翁6，打到2點機終於打爆了全隻碟la，跟住就睡覺了。
24-2-04(二)都係AL，睡到11點幾起身，跟住就好乖咁開始寫portfolio，一邊聽歌，一邊寫portfolio都好開心架，2點幾同Judy傾電話，佢補番首生日歌俾我聽。寫到差不多7點半，呢兩日夾埋總共寫了only28張，還有106張未寫呀…可憐，唔知能否趕得切係15/3月大假前完成曬d portfolio。7:30-8:30睡覺，起身食飯後就開始打1-2月既日記啦!冇計啦!唔想令到d fans失望呀!我由9點半打12點半架。
25-2-04(三)唉!又要返工啦!!唸番起好似由新年假期後，我一直都唔需要拿野返屋企做，但由今日開始我就要拿d行動研究和portfolio返屋企做啦!!又要開始忙碌既生活啦!!!
26-2-04(四)突然調班返9:00，5:30收慈雲山，昨夜1點睡，唔夠訓，今日都幾失魂，竟然唔記得戴野。
本同kathy去食飯，但我提早了收工，去到紅磡先6:05，未有lor先等到佢放工，所以回家先，再約過下星期三食飯，回家後，原來爸媽冇煮飯，我地一齊去了酒樓打邊爐，酒樓轉左點紙叫餸，我地到最後冇食剩野(好似係我食咁耐自助餐既第一次)，收野個阿姐重非常欣賞我地冇食剩野既行為，yeah，其實我都好欣賞自己呢!第一次見到對面座新樓君頤峰既頂樓頂著了燈，真係好靚，豪宅真係係豪宅。
27-2-04(五)放7:00，然後陳燕飛請我食青葉，都好幾年冇同佢一齊食飯，我地曾經係好好朋友架，可惜時光飛逝，此景不再，食到8點食到9點幾，個半小時，後我地一齊行家樂商場，同潮流特區，崇水係行，一路行一路傾，都冇入個d鋪頭睇野，想起自己都好似有好耐冇認認真真咁行過街，睇野，之後陪佢行去中央圖書館到等27M，但等極都等唔到，最後同佢一齊坐45號巴士回家。回家見到新聞台有1234人看過，呢幾個數字真係好得意，唔知幾時變12345呢
文章定位：
