((原來，思念一個♥人) 。,,)

234愛的鼓勵 0訂閱站台

我真人叫啊龍,讀仁濟醫院羅陳楚思既,不過我就發生左意外所以冇返到學,或者有d中一學生
都唔知我係邊個掛.不過我最出名既係搞事多果d啦.有好多老師都針住針住咁.我一搞事就報警
我係學校被差人拉左兩次,呢個就係學校對我唯一好既事.講真我一定會報仇lor.你地試過被人屈
都要吞落肚,被人拉到差館被人大既滋味未呀!仲要拘留成日坐係d龐度未呀!!對我來講係我最大既
恥辱.學校就千祈唔好俾我發達呀!!如果唔係一定會用成身家請律師用你死過呀!!!天王都冇面俾呀.

不過好幸運可識到欣,佢不但唔介意我有前科果d~而且問過佢你俾唔俾我食煙呀?佢都我知呀,唔介意.
佢係好女仔我知,但我驚我唔係好男孩會傷到佢心.初初開始果陣我都有發過佢數次脾氣,但佢都冇咩點嬲.
佢係好文靜嫁,唔同佢熟既人佢都唔會點同人講野,溝通果d.又唔會搞事,係學校都係做好自己本份......
我係2003年7月7日係將x澳醫院俾左第一個電話,之後我地就一齊左,仲成日傾電話.不過佢多數都係唔多講
野,所以我要哄佢講野,兩人相處耐左我都感覺到佢為我變左,我都好開心.但佢就好小同我講佢果d唔開心呀
果d......或者呢個都係佢既好處,都唔知係聽用心聽我講野既.以前拍拖果d都唔記得點相識幾時相識既..
今次我又記得,我試過為左兄弟淡過佢,但一講左俾佢知佢又唔嬲,嬲都係嬲一陣既^^.我都曾經想再溝多幾
條女玩嫁,但都被良心責備.但講真果句,我唔算愛得好深,我愛得好清晰....或者佢就係我要搵既人掛.
依家我唔想發生既事都發生左..我既一切同朋友兄弟咩都冇啦!!!!呢排佢要返學,我都夜晚嘈醒佢. 好想同佢講sorry.


欣佢有件事令我最最最感動嫁:果陣9月1號返學佢本來放一點鐘既,不過要搞咪班果d野所以奕兩點.....
而佢啊媽又要佢定時返到屋企.由於我行動唔方便又幾耐見佢.咁我咪話我想見佢.但佢又要准時返屋企wor.
最後同佢講算啦唔使來.不過佢都好似感覺到我唔開心掛,最後呃佢啊媽放好遲.

點解我會鍾意左啊欣呢????????其實好搞笑嫁,係因為一個夢.果陣同欣係跟本唔識果隻既............
不過因為呢個夢我就開始留意佢,而且同人收風.慢慢咁咪咩咩咩lor~~~~咁樣我就展開左追求lro~~~~~~~
我要好多謝呢個夢提我,令我不再對感情拖拖拉拉.我令我好似愛得好深既泥土提上來.展開新戀情........