24h購物| | PChome| 登入
2016-10-04 14:02:53| 人氣1,114| 回應6 | 上一篇 | 下一篇

牛啃牡丹；森伯啃菜！！

推薦 2 收藏 0 轉貼0 訂閱站台

如非必要森老伯都好少食藥，俗語都有話：是藥三分毒…所以有時食得藥多，個人都會差啲…若然有啲食材既可食又有食療功效咁就最好，唔需要擔心有咩副作用…

而家嘅人，成日都要對住啲電子產品，當然眼睛最受其害喇，可能返工要長時間對住電腦，所以眼睛都好易乾好澀（俗語話好dry就係呢種…哈哈），聽講話食多啲含花青素的食物對眼有幫助，即時想到藍莓，至於呢類漿果怕佢酸，所以好少買來食，之不過平時都有食紫薯，甚至成為午餐必食之選！

不過最近經森媽推薦有種紅生菜，都能夠有護眼作用，唯獨就要生食才見效…對於森老伯嚟講，有時都會生食一啲蔬果，至於菜又好少生食，因為一向都冇以蔬菜當沙律食的習慣，最怕係殘餘農藥超標，所以一般都食熟的菜…

但係為咗有舒服的雙眼都儘管一試，盡可能買些整沙律的菜就比較穩陣，食之前都會浸佢一段時間，當０趙落就真係覺得自己似隻牛０趙緊草…哈哈哈！其實食慣都唔會太難食，不過真係要洗乾淨啲…

我覺得可能要常常食吓先知有冇效用，不過當作生機飲食都未為不可嘅…

我要檢舉
#生機飲食#紅生菜#護眼作用#沙律菜
台長： 森源

您可能對以下文章有興趣

人氣(1,114) | 回應(6)| 推薦 (2)| 收藏 (0)
全站分類: 心情日記(隨筆、日記、心情手札)

我要回應
搞一爺
閉目可養神，咁護眼乜唔係要睇啲《養眼》嘢咩！要摷床底啲珍藏DVD。
我要牛咁眼望著森仔啃草，笑死我。
我都試過，真難食，好快放手。
長期食要諗計伴隨其它有味嘢，好似韓國燒烤用生菜包黎食，放落豆漿打爛食咗都唔多覺。不過，有其它花青素食物揀，我會食紫蕃薯、矮瓜、黑豆、火龍果。
我都驚生食。
2016-10-04 16:22:27
版主回應
哈哈…唔知一爺平時睇開乜嘢DVD養眼呢?!!我冇乜DVD，而且部機都封塵好耐～～
森伯平時冇乜好笑，傻炳一個！勸你啲眼力留返嚟睇啲靚人仲好喇…哈哈哈

不過初時真係幾難食，習慣了就唔覺什麼，食完都幾清新…
佢呢個食法要成棵食比較好，唔可以攪汁，可能要原汁原味～其實含花青素的食物有很多，不過聽講有啲療效係紅生菜才有…
2016-10-04 17:01:57
ohtria
紹菜,菠菜我都會生食.
2016-10-04 20:15:30
版主回應
你在奧國食菠菜可能冇咩問題,香港的菠菜唔可以生食...
2016-10-05 09:06:06
stella luk
除了生果，其他很少生食，因為不習慣！
護眼我會吃藍莓、紅蘿蔔、杞子，容易入口的。
2016-10-05 08:07:57
版主回應
可能港人的飲食文化好少生食,多數要煮熟才吃...都係講習慣啫~~
紅蘿蔔我都常有食,生食熟食都有~~
2016-10-05 09:09:03
ka ka
我好少生食蔬菜類，如果生菜切咗絲加在沙律中加少少千島醬，或用生菜包些碎肉粒來吃也可接受的。
想護眼的話…可閉目養神或者睇啲綠色植物，市面上也有一些眼藥水是專針對眼乾的，藥性不多，純粹為滋潤眼睛用。
2016-10-05 08:40:47
版主回應
講到菜生食我都甚少,因為始終唔太確定有冇農藥~~謝謝你的提供千島醬加生菜絲應該幾好...早餐食直情清腸胃喇~~
其實在公司我張檯附近已種了很多綠色植物,都係有時做到攰攰地望吓綠色的東西,以前滴過眼藥水,不過歸根究底都係要對眼多點休息...
2016-10-05 09:15:46
基爾
紫椰菜果啲我都好少食,如果無沙律醬撈,剩食會帶少少苦味,通常係食自助餐時會食啲,平時真係好少會買來食,很同意食時會似隻牛XXXXD但食落係會幾清新,如果夾埋牛扒豬扒之類相信無咁肥膩
對得電腦mon多要間中望下風景,遠的東西可調節眼球紓緩疲勞....係喎森兄駛唔駛帶眼鏡?
2016-10-05 13:46:13
版主回應
每次食的份量唔多，只係一小棵幾片葉…係呀，當食落真係有啲苦苦地，若然配其他肉食可能會較易入口！既然都係想食得清清地，就灑灑脫脫就咁食，乜都唔駛加，好似飲苦茶都唔需要搵加應子送口…哈哈~~~不過都係為咗保護雙眼啫試下無妨！

通常對開電腦又唔會記得要紓緩眼球，我有一副抗藍光眼鏡，只係間中會戴住睇mon…
2016-10-05 17:19:24
搞一爺
食完森眼水汪汪電暈人，好快拉埋天窗，森媽好計。
2016-10-06 06:21:30
版主回應
你曲解咗森媽嘞…哈哈哈
食完對眼就水汪汪~~~邊有咁仙丹呀?!!!
2016-10-06 09:02:58
否 是 (若未登入"個人新聞台帳號"則看不到回覆唷!)
* 請輸入識別碼：
請輸入圖片中算式的結果(可能為0) 
(有*為必填)
TOP
詳全文