「森」情小品文 ...

323愛的鼓勵 505訂閱站台

話咁快，農曆新年就過去！又是熱鬧過後歸於平靜的時間了～就好似有些歌星搞完演唱會之後，都要有些適應時期…就似喧嘩過後又再重投生活、工作了，一般的上班族，相信都已經返工！正式由懶閒歸於營役lu～不過呢排在公司，感覺大家都hea爆......哈哈哈

暴食＞歸於＞清淡

話晒新正頭，樣樣都講意頭，梗係要大餐大食寓意豐衣足食架啦～所以過年期間糕點一定走唔甩，仲有糖果朱古力呢！都係咁食…食…食…！（咁又唔好誤導大家，老人家梗有節制嘅，起碼冇乜肥到…）但係到呢個時候都要清清腸胃，一於食吓粥都唔錯！就嚟個黃金粟米紅米粥，食時加些少紫菜絲調吓味！唔錯～

接收＞歸於＞回收

華人過年都係高興的事情，尤其可以派利是，或者逗利是…不過時下興講環保，樣樣物資都唔好浪費，所以 有吉嘅的利是封，都可以放落利是回收箱！回收到的利是封加以整理，又可派給一些有需要人士循環再用嘞！但懷疑，回收的利是封又多唔多人用呢？！仲想講一 句，唔應該再出生肖利是封，因為過了年很多生肖利是封都變冇用（最弊回收都冇人要），又唔可以出年再用，平時用又怪怪哋！認真唔環保…

浪漫＞歸於＞傳統

今日就是十五元宵（傳統中國情人節），相信古時呢日會大肆慶祝，當為新年後的一個餘慶節目，古時的文 人雅士就會猜吓燈謎（究竟有冇人答到森伯，猜燈謎係中秋定元宵的活動呢？感覺一年四季都有燈謎猜…XXD）在古時呢個時候，啲才子佳人就會在元宵佳節出 動，去認識心儀對象…所以在傳統上今日都好應該玩吓燈謎，就等森伯呢個才（蠢材個材）子，畀條題大家猜猜！

呢條題簡直賣大包XXD…猜錯唔駛罰！猜對就祝願大家有個開心的元宵佳節～～