24h購物| | PChome| 登入
2016-01-19 14:41:50| 人氣1,191| 回應9 | 上一篇 | 下一篇

聽電台；講電台...

推薦 1 收藏 0 轉貼0 訂閱站台

現在的人們實在太多娛樂消遣，睇電視聽電台已經唔多了，想當年有一部收音機已經係全家人的娛樂所在，啲阿爸阿媽會追聽廣播劇，啲細佬細妹就聽歌，啲家姐阿哥就點唱…所以到今時今日做廣播傳媒都唔易架！免費電視台遲下可能只有一大台，而電台又話要大變動，又話裁員又話改節目…日後港人就只有睇來睇去都係TVD啲悶劇，聽來聽去都係電台啲哈哈哈節目～諗起都森酸酸…

記得近排傳「大地震」嗰間電台，森伯好耐好耐（簡稱N年前）都參予過佢哋的一個節目，又唔知大家有冇印象，有個節目叫「寵物有家」，呢個節目當時有徵文比賽，如果入選就有機會在節目裡讀出徵文內容，於是乎森伯就寫出自己與寵物有關的親身經歷兼且內容感人…得獎時他們會預先通知我，後就叫我留意邊集節目會播出……自己從未玩過電台遊戲、從未打過電台點唱、從未問過DJ主持的感情森事…XXXXXD之類，暫時就係唯一參予過呢個徵文比賽咋！

記得當時都有些獎品，好似書券寵物用品券之類，到現在就只有呢部小小收音機留為紀念品…
而呢部收音機還印有呢間電台的logo…如果放入電芯都可能聽得到，不過好似收唔到其他台?!!我當然會繼續Keep佢啦～

家陣的人會手機送飯，之前的人會電視送飯，再之前的人可能聽廣播送飯！至於森伯伯…應該係電視送飯嗰個年代卦?!!

我要檢舉
#想當年#電台#收音機#獎品
台長： 森源

您可能對以下文章有興趣

人氣(1,191) | 回應(9)| 推薦 (1)| 收藏 (0)
全站分類: 心情日記(隨筆、日記、心情手札)

我要回應
包二奶
好懷念那個時候啊.....
大家一起聽電台
現在大家都各自低頭滑手機了
少了很多拉近距離的機會
2016-01-19 15:12:23
版主回應
歡迎”包二奶”的到訪~~

你說得對，時下的人就算一家人外出吃飯飲茶，大家都各顧各玩手機，完全零溝通，回想起以前的人一家人坐著聽電台，睇電視都有傾有講～
或者世代不同了吧！！
2016-01-20 09:14:34
搞一爺
威過威士忌。
寫得出咁撼動人心嘅故仔，感情一定好豐富。係乜竉物呢？
咁耐都保存得咁好，森仔用情專一，過新年啲親戚爭著介紹對象畀筍盤森仔。
2016-01-19 20:23:50
版主回應
以為你話：威過威而鋼添!!....XXXXXXXD

如果有留意森伯以前的博文，好耐之前有養雀，我寫的是與寵物鳥的經歷！當你養過寵物，當中實有一些回憶值得寫低…
呢部收音機仔都冇乜用過，當然新淨啦！
啲親戚唔爭著問森伯攞利是已經好開心喇～XXD之不過我都未夠資格派利是~
2016-01-21 08:51:41
stella luk
科技永遠陪伴我們食飯。
2016-01-19 23:28:22
版主回應
說得對!! 唔同年代就有唔同的科技伴著我們食飯…哈哈
2016-01-20 09:16:53
ykk
部森音機好別致呀! 是否頭獎禮物呢.

近年都很少聽電台, 唯一的是聽"大城小事", 不過因隨節目主持人退休後都而冇收聽了.
2016-01-20 10:41:46
版主回應
呢個徵文活動冇頭獎,若能在節目內播出內容就會有獎品...
電台都常聽,間中都有想聽的節目不過就唔多,而且播的新歌唔多熟識,所以聽齋講嘢的節目為多...
2016-01-20 14:57:29
MAN-MAN
以前會追電視劇，現在無咯。
2016-01-20 12:39:42
版主回應
第一冇耐性,第二唔想嘥時間,第三冇咩興趣...都好耐冇追劇!!
2016-01-20 15:01:08
kaka
真喺N世紀無聽過電台節目，除了新聞報導，TXB大台都好少睇，而且屋企人鍾意睇大陸台的節目多啲，
近年內地的電視劇質素真的比港劇好好多！
2016-01-20 17:22:45
版主回應
我咁又唔會,因為有時都會上車聽廣播~~而且間中亦有些節目想聽!!至於電視就揀嚟睇!!劇集就甚少追!!多數睇綜合,資訊等節目!!
內地劇質素高過港劇都唔奇,尤其大場面人力多就當然取勝啦~~
2016-01-21 09:03:56
新聞台Blog小天使
親愛的台長︰
　　恭喜您！此篇文章極為優質，獲選為本日哈燒文章，將會出現在新聞台首頁哈燒文章區塊輪播。請您繼續保持每日撰寫文章的好習慣，期待您提供讀者更多精采的內容，加油！
2016-01-20 17:52:28
版主回應
謝謝新聞台的支持,我定會繼續寫好blog文,希望你們仍多關注及支持~~

我稍後會到哈燒文章看看!!
2016-01-21 09:05:37
搞一爺
果句係70年代嘅香港俗語，唔係我老作架，豆丁森你真係唔知道，以後，唔好自認森伯啦！
2016-01-20 21:00:33
版主回應
哈哈,你真係當森伯係blog頭相嗰個森伯伯咩?!!
森伯可能同你同一Generation架喎?!!
但邊句俗語呢?我可能聽過...
2016-01-21 09:14:30
Gael
原來是人雀情味鳥的故事,一定好感人....
我早午晚都聽收音機,可以一路聽住一路做其他嘢,唔阻時間,放假如在家,幾乎長開收音機
2016-01-25 13:20:46
版主回應
有養寵物的人,總會有些感人的事情可以講講~~
咁我就冇長開收音機,只是間中開來聽聽,以前在車程會聽,不過近排啲節目冇乜可聽就聽MP3為主~~
2016-01-25 17:21:03
否 是 (若未登入"個人新聞台帳號"則看不到回覆唷!)
* 請輸入識別碼：
請輸入圖片中算式的結果(可能為0) 
(有*為必填)
TOP
詳全文