24h購物| | PChome| 登入
2015-09-22 11:01:00| 人氣1,002| 回應9 | 上一篇 | 下一篇

典床典蓆…

推薦 0 收藏 0 轉貼0 訂閱站台

若然瞓得好，就唔需要在床上典嚟典去喇！事出必有因嘅……

每逢轉天氣關係，都可能會炎症發作，我指關節炎、筋肉炎等等！！若然身心太忙太疲勞都係誘因之一，加上近排壓力大都可能會造成！最慘就係上到床，唔知躺在那邊較好，一般筋肉炎都係酸、痺、脹、疼樣樣齊～搞到個人都好難入睡…我諗呢幾晚都係瞓咗三、四個鐘左右咋！變了熊貓森不特只，感覺個人好似帶個軀殼出街…仲有老人家的特有香味呢～藥油味！XXD查實對於森老伯來講，呢啲情況都係家常便飯啦！都唔需要大驚少怪…

希望可以儘快復元，第一時間可以瞓返個好覺，有時森發其想：想請一日假專用來瞓覺，除咗食三餐之外，其他時間就係瞓，講真要做到都唔易！要好瞓得先得…

現在就唯有見步行步，可以的話就休息抖抖，好的話過時過節都可以盡興啲！

我要檢舉
台長： 森源

您可能對以下文章有興趣

人氣(1,002) | 回應(9)| 推薦 (0)| 收藏 (0)
全站分類: 心情日記(隨筆、日記、心情手札)

我要回應
Gael
去做返個massage有冇幫助?
2015-09-22 12:57:04
版主回應
massage以鬆弛為主,森伯嗰啲冇咁簡單!!
2015-09-22 13:48:22
ykk
森夜難眠問題很複雜, 相信是對工作過於認真, 精神興奮狀態長期保持著, 唯一方法是短暫離開工作崗位一吓, 例如放吓假, 話唔定可以舒緩.
2015-09-22 14:33:31
版主回應
其實平時到瞓覺時間都攰架, 基本上都好易瞓著~~你講得啱懂得舒緩放鬆好重要,份工作基本唔需要加班, 一收工就係自己時間, 都OK啦!!!
年假留到年尾大放…
2015-09-23 09:02:39
Time Is Changing
TAKE CARE
不知為何最近上來都死COMPUTER AND PHONE....
2015-09-22 16:42:46
版主回應
多謝TIC!!
我又唔覺有呢個情況~~可能你上來的時段係PChome人流多的時候, 所以大家都jam線卦?!!
2015-09-23 09:03:40
搞一爺
好彩我咁嘅年紀都仲未有風濕關節炎，冇得同你share添！

咁森仔知唔知起因？係唔係細細時做錯事攪成咁！打地氣啦！話畀我知等我防吓佢，老咗冇乜病痛、行得、食得、瞓得、聽得、睇得（五得）係我年年嘅生日願望之一。

有冇去啲老人中心 social 吓，交流倒啲心得？

咪有共同話題同世伯、百有傾囉！相互關係咪更加密切。
2015-09-22 19:59:03
版主回應
證明你仲後生囉!! 我諗森伯起碼大你成個世紀…XXD
冇呀!! 自己梗係知道自己的事啦!! 有時都冇計年紀大總會機器壞…你哋啲後生唔明~~其實唔好話老咗, 後生人都要食得、行得、瞓得…你好似仲漏咗樣”痾得”喎!!!對健康都係重要的一環~~
森伯本身就住起老人院架啦!!!班長者個個都潮過森伯…XXXD
2015-09-23 09:04:52
amour
這種情況我很明白，盡量爭取休息吧！
2015-09-22 21:48:24
版主回應
係!! 休息好重要, 會盡量爭取時間在週末休息多啲~~
2015-09-23 09:05:46
ykk
起初看見個標題, 以為森兄好手緊. 都係果句, 多做運動, 放輕工作, 多休息!
2015-09-23 17:20:50
版主回應
乜手緊會典床典蓆咩?!!通常攪腸沙先會...哈哈哈
其實徵結是要多休息,或者畀自己身心都要抖下~~
2015-09-24 08:53:22
stellaluk
平日要做吓伸展運動囉！有冇試吓游水或水療呀？。
2015-09-24 07:19:20
版主回應
其實我的炎症跟運動冇乜關係...
運動都適量有做,學習放鬆最重要!!
2015-09-24 09:00:15
搞一爺
事實勝於雄辯，身份証一出便能一分高下，我唔會好似細路哥咁屎唔臭都同人鬥一餐。

我係做咗好多功夫先至有今日嘅田地，人老身不老架，唔好妒忌我。

冇諗過斯斯文文嘅森仔都同我講埋呢啲有味話題喎！呢樣真係好重要，我都好鍾意食蔬菜同水果，平時口痕就盡量揀食生果，都係食蕉同提子乾多。早餐就食有益嘅 Muesli，夠晒纖維，不過，日日要提醒自己飲夠八杯水，呢樣就難啲達標。咁仲要請森師傅指教吓我一招半式嘅痾屎功，等我發功時佢哋就好乖咁受我控制。所以，我喺厠所門上貼咗張 《出入平安》 啲揮春保佑吓囉！哈哈！
2015-09-25 06:54:35
版主回應
真實年紀只是數字~~做人最緊要係講求心境!!只要Keep住年青都一樣啫!!
你此話一出,森伯真係好妒忌你,身不老就最難做到...過一招半式嚟,等森老伯可以延續呢個不老的傳說嘛,唔駛成日響森Blog話自己老人家!!!!
我有講過啲有味話題咩??唔通你講痾得...正常事啫唔駛忌諱喎!!
只要平時食多少少蕃薯&蕃薯葉(菜葉類),包你順暢,再唔得可能你條腸腸出事,要睇醫生~~
馬桶應該貼~常滿~仲好~~~XXD
2015-09-25 10:05:09
搞一爺
係呀！心境做到就成功一半。

我做嘅森仔都有做，飲食方面仲比我更健康添，不過，我唔多鍾意做運動都強迫每周3次每次做40分鐘超索氣運動（high intensity intermittent exercise）加跳鄭多燕體操， 最初，根本完成唔到，發現有部份肌肉太弱雞無力做某啲動作，做到半路唔夠氣停咗，堅持一排後就跟得上，中間緊係揾咗1千個籍口偷雞唔做足，堅持成果係心跳率同血壓都由正常下降到理想水平，人都精神咗，無乜病痛，心理覺得自己fit咗，無病痛困擾個人咪開心囉，開心唔係必然，1周付出2個鐘都唔算多啦！ 後生唔做運動點食都得，中年發福後反而要做運動同注意飲食消脂，迎接人生另一階段係要變化咁做至啱。

每個人體質性格喜愛都會不同，我做嘅未必適合你，聽講太極拳可舒緩關節炎，畀錢上堂學做張三豐徒孫都幾好喎！
2015-09-25 17:56:08
版主回應
做人到咗某一個年紀都應該注重自己的健康，其實年少都應該開始做功夫，不過就未必個個都咁識諗，好多人要到有事才去關注身體，咁就太遲啦！

肌肉的鍛練要常常，否則就會無力！！不過我就認為運動量適當便可，唔好太勉強一定要做晒成套動作，又不是運動員，一般人以輕量至中量運動都好好了～～

你發現有成果咪好～起碼人精神咗又健康咗！做運動本應都係想咁樣啫！！
2015-09-29 14:14:01
否 是 (若未登入"個人新聞台帳號"則看不到回覆唷!)
* 請輸入識別碼：
請輸入圖片中算式的結果(可能為0) 
(有*為必填)
TOP
詳全文