「森」情小品文 ...

323愛的鼓勵 505訂閱站台

世界真係輪流轉喎…以前的人覺得食白米飯就係文明、富貴的象徵，至到今時今日人們又會覺得白飯冇益，點都認為最好食雜糧粗飯會比較好，之前已經知道平時食開白米的人，得到糖尿病的機會又會高啲，道理好簡單，因為食完白米飯血糖就會立即升高，反而食雜糧飯血糖水平會正常升高下降，唔會造成胰島素的干擾，而且白飯不自覺會食多咗，雜糧飯反而容易覺得飽肚！

可能食慣五穀雜糧飯，感覺飯會香啲口感會豐富啲，而且每次食飯都可以唔同口味，蕎麥飯又唔同紅米飯，紅米飯又唔同小米飯…可以營造到唔同的口感與味道～既然講開五縠…五穀為古時的人們叫法，但到今時今日的人又有幾多個會知道所講的五穀是指邊五樣穀物呢？當為一個問答遊戲又會答中幾多？！其實對於好多人來講，答到三種已經好叻叻！或者唔好上網搜尋，自己識幾多估幾多啦！反而容易記上腦～～不過估中冇獎，知道－已經係獲益良多！健康tips係無價喎！！哈哈哈

森伯平時的雜糧飯，有糙米紅米、豆類！暫且只叫得兩穀飯…或者遲吓再去睇睇有冇咩新奇雜糧，再同大家匯報～～

 

五穀答案：稻（稻米），黍（粟米），稷（小米），麥（麥米），菽（豆類）。