24h購物| | PChome| 登入
2014-12-15 16:16:25| 人氣1,429| 回應17 | 上一篇 | 下一篇

今個聖誕不太“懶”！

推薦 1 收藏 0 轉貼0 訂閱站台

Long Vacation…
其實話長…都直情唔算長啦…個假期！計埋都有十日差唔多，所以算唔多！之不過最重要就係嗰種放假前夕的心情嘛！本應放假好應該休息為基本！但係生為勞碌命的森伯，又點捨得安享晚年呢？！哈哈哈哈…

入冬三寶…
呢排可能凍的關係，睡眠質素都下降，所以成日都好似唔夠訓～咁啱放假就可以唔使咁早起身…人哋就抖暑，森伯就抖寒！至於老人三寶，其中兩寶頸巾同暖風機就已經出場，爭在平安鐘未校啫！…唔好話森伯誇張，太凍對風濕骨痛都麻麻地，所以一切以保暖為上！話時話，天時凍凍地先至有過時過節氣氛，起碼聖誕似返聖誕～

唯一氣氛…
呢棵聖誕花都幾得意，原來聖誕花擺完聖誕後，再下一年都依舊會出花，呢盆就係！！初時以為冇人打理，相信同事們不停有為它加水…殊不知今年又生得靚靚，睇怕呢棵聖誕花都係office今年的唯一氣氛～


如果話人係一本字典，相信在森伯的字典裡都搵唔到“懶”呢個字，雖然“型英帥靚正”都搵唔到…XXXD～但係“懶”字應該唔可能出現！希望今個假期可以攞個平衡，實在得嚟又唔駛太疲累，點都要keep番個狀態來迎接2015新年！

先祝大家聖誕快樂，假期時候森blog都會抖抖！出blog巡blog就隨「森」意咁啦！！


啱啱今天收到友人寄來的聖誕卡和禮物，謝謝！希望大家能夠有歡歡樂樂的氣氛享受呢個節日！！

我要檢舉
#聖誕前夕#享受節日#假期#歡樂氣氛
台長： 森源

您可能對以下文章有興趣

人氣(1,429) | 回應(17)| 推薦 (1)| 收藏 (0)
全站分類: 心情日記(隨筆、日記、心情手札)

我要回應
熊仔
嘩.. 好靚呀di 聖誕花... 祝森仔Merry X'mas 2015 身體健康
2014-12-15 21:58:52
版主回應
又估唔到棵花可以咁靚!!!...
多謝熊仔…都祝你2015身體健康，事事順利～
2014-12-16 09:58:24
ohtria
唔知聖誕花可以keep,咁過咗聖誕我唔揼佢.
2014-12-15 22:01:50
版主回應
通常聖誕花擺完多數唔要，或者試下再種，出年可能有花睇!!
2014-12-16 09:58:56
搞一爺
平時工作咁忙碌，我會放過自己喺放假時奉旨做大懶蟲，橡筋成日拉緊好易斷，時鬆時緊至啱我呢個耆英，森仔仲係後生仔，幹勁十足，衝衝衝。

最近幾年我鍾意咗用糓麥做嘅自制貼心暖包，放微爐叮二分半鐘就可以用到幾個鐘，因為傳熱用傳導方式比起暖爐用空氣對流有效好多，係物理學教架，所以，好快就成身同手都暖晒，特別係夜麻麻，瞓前放佢入被內做我《黃香》，成晚暖昱昱，慳好多好多電，省錢又環保，暖爐仲會搞到空氣更乾枯，對我呢個皺皺哋紋嘅老人家皮膚更唔好，又唔駛聞啲電氣味，真係愛上咗暖包。
2014-12-16 06:54:16
版主回應
仲係後生仔，幹勁十足，衝衝衝…….?????咁乖口嘅!!!XXD

你講得啱!!!適當時候係需要放鬆吓~有時候放假有自己時間，就唔想浪費掉，點都要搵野做做，係時候要學習放鬆…

你的方法我都聽聞過，好似話用紅豆也可以，同樣在用之前叮一叮佢，當佢一個暖水袋，而且仲會發出紅豆清香味……呢個方法講到幾好都冇用，本身冇微波爐，如果再用鑊炒熱又多功夫…我用的是陶瓷爐，佢話唔乾燥…而且都係用很少時間咋~好欣賞你對天然物料的運用!!
2014-12-16 09:59:28
ykk
哈哈! 森花努放, 花花年年努力開工 :)

Merry X'mas, happy long holiday...
2014-12-16 10:48:16
版主回應
Merry X'mas,多謝KK，就算放唔放假，平時都應該努力開工～
不過有時間中要蛇王吓...
2014-12-16 16:14:27
ykk
入冬三寶, 森兄今年還未換上冬裝相, 這第三寶??
2014-12-16 10:56:44
版主回應
冬裝不是森伯的入冬三寶~~三寶是頸巾,暖風機,同平安鐘...
你哋啲後生唔知咁多架嘞!!唉~~~
2014-12-16 16:16:19
新聞台Blog小天使
親愛的台長︰
　　恭喜您！此篇文章極為優質，獲選為本日哈燒文章，將會出現在新聞台首頁哈燒文章區塊輪播。請您繼續保持每日撰寫文章的好習慣，期待您提供讀者更多精采的內容，加油！
2014-12-16 11:20:39
版主回應
多謝新聞台的鼓勵，希望日後仍多多支持～
2014-12-16 16:18:47
新聞台Blog小天使
親愛的台長︰
　　恭喜您！此篇文章圖片極為優質，獲選為本日熱門圖片，將會出現在新聞台首頁熱門圖片區塊輪播。請您繼續保持每日撰寫文章的好習慣，期待您提供讀者更多精采的圖片，加油！
2014-12-16 12:42:29
版主回應
稍後去熱門圖片看看,謝謝新聞台的支持~~
2014-12-16 16:19:37
Stella
祝你聖誕、新年快樂，繼續冬眠愉快！
2014-12-16 21:41:32
版主回應
謝謝~~繼續冬眠應該唔會喇~~好晒時間啫!!!
2014-12-17 09:43:12
如心恕也
那些叫「一品紅」的聖誕花，那些花瓣真像片紅色葉子，有時不禁想…這究竟是花還是葉？
在此也順祝森兄聖誕快樂，新年進步，健健康康！
2014-12-17 09:58:21
版主回應
當你細心睇花瓣部份,就會見到葉脈,亦見到綠葉慢慢變成紅,一品紅是種幾有趣的植物,又紅又綠幾能代表聖誕氣氛!!
我都祝你有個溫馨的冬至日,開心的聖誕節~~
2014-12-20 09:24:21
愚
呢幾日天氣突然咁凍，我的膝蓋辛苦了，平日上樓梯隻壞腳OK，而家冇力，咪話唔要小心D，睇來再係咁先用下第三隻腳幫幫先。森源要多多保暖。
2014-12-17 23:51:43
版主回應
如果認為有需要,儘管用第三隻腳幫幫手也好,康復中的腳患不好再整傷,否則更難痊癒~~
謝謝!!保暖是森伯在冬季必做的事情啦~~
2014-12-20 09:27:24
搞一爺
森仔賣懶，我就要揾《口乖》黎賣囉！
漏咗講：祝聖誕添福添悅添康健。
2014-12-19 03:26:02
版主回應
在呢個社會,識得賣口乖好重要...
我都祝你聖誕,新年都福到運到~笑口到~~
2014-12-20 09:32:48
kaka
寒冷天氣下好難唔懶呀!
温暖的被窩.火鍋....一定樂於享受!^^
2014-12-20 09:35:28
版主回應
哈哈!!係呀~~天氣冷人都特別懶!!最難捨難離都係個被竇...
近呢幾年都少食咗火鍋!!
2014-12-21 20:25:30
kaka
寒冷天氣下好難唔懶呀!
温暖的被窩.火鍋....一定樂於享受!^^
祝聖誕快樂!
2014-12-20 09:44:01
版主回應
寒冷天時,無論被窩或火鍋都係最佳的選擇啦!!
謝!我都祝你有個快樂的聖誕,幸運的2015...
2014-12-21 20:28:03
Time Is Changing
預祝你Merry Christmas呀森源兄!~
2014-12-20 13:49:30
版主回應
謝謝~~祝你有個快樂的聖誕和新年2015~~
身體的小毛病都早日痊癒~~
2014-12-21 20:30:12
熊仔
森仔仲有冇見豬仔呀 ? 失去聯絡啦..
2014-12-20 22:49:15
版主回應
熊仔,你真係好長情...豬仔在雅虎blog年代已經失去聯絡~我覺得佢要出現幾時都可以,視乎佢有冇心出現啫!!
好幸運認識到熊女,現世代真正有心的人唔多~~
2014-12-21 20:34:44
kammy
森伯聖誕抖抖,天氣凍,保重身體呀, 祝森伯過一個快樂聖誕!!聖誕花真係好靚!!聖誕花難唔難種的?
2014-12-21 01:21:07
版主回應
多謝你關心呀!!趁今個假期可以抖抖唔錯~~天氣凍大家都要保重身體,好易感冒傷風~~
呢棵聖誕花好靚,不過唔係我種,應該都係間中施肥和淋水...
我都祝你有個開心的聖誕和豐收的2014...展望來年更順暢~~
2014-12-21 20:40:22
Gael
森兄一定好落力施肥XXD
2014-12-23 19:12:39
版主回應
Gael兄邊隻眼睇到森伯好落力施肥咁呢??!!
下次請留心睇blog!!哈哈哈
初時以為冇人打理，相信同事們不停有為它加水…
2014-12-24 14:47:09
否 是 (若未登入"個人新聞台帳號"則看不到回覆唷!)
* 請輸入識別碼：
請輸入圖片中算式的結果(可能為0) 
(有*為必填)
TOP
詳全文