「森」情小品文 ...

323愛的鼓勵 505訂閱站台

在過去的週末，天氣忽然間變得好熱，驟覺盛夏已經來臨了，雖然未食五月粽，但相信氣溫都唔會再凍！首先都要收拾兩樣長者禦寒孖寶…未就係綿被同暖風機～～清理暖風機都幾費時，因為標明唔可以拆開，又唔可以用水洗，只能用略濕的布抹外邊，風葉仲要用綿花棒伸入去抹…吹乾後就可入袋收埋！！

 

經過一個冬季處優之後，相信有百份之九十的人，都會變肥！！但係森伯就剛剛相反竟然會變瘦…係唔係好詭異呢？！！要等到夏天入秋之後就會回復狀態～～就好似蠔，大閘蟹咁等到秋天先最肥美……所以趁呢個時候又有藉口可以大飲大食！！

 

森伯從來都唔覺得自己似個藝術家，就算有人話都當人只係畀面啫！但係呢陣子，又發覺自己好有熱爆藝術家艾未未feel…所以上週決定執執佢！！執番個企理look迎接hot Summer！！