島嶼紀事

70愛的鼓勵 0訂閱站台

                             

 

阮對夢中轉來

走揣彼段失去記智的日子………

咧笑咧哭抑是咧眠夢

阮攏毋知影

啥物是真啥物是假

抑是啥物攏毋是【註一】

 

彼一工透早阮著行入夢中

佇急診室四界走闖到暗暝開始

彼時陣阮的靈魂已經飛佇十八天外

目睭金金看著家己毋知影是生抑是死

一方面徛佇親朋好友怹兜門口欲相辭       

醫生嘛佇一暝開出三張「病危通知書」【註二】

 

阮某講佳哉佛祖有保庇

予阮平安行過三工危險期

阮佇夢中開始寫故事

精彩刺激伴阮二十工

阮煞茫茫渺渺親像仝一工

阮佮阮某講阮敢若攏無睏

 

阮佇夢中咧搬戲

一齣家己搬家己看的戲

對阮跋落海底中著阿共仔的生物戰

到阮染著無藥醫的傳染病

到阮必須親像破病雞仔予人活活提去埋

阮某只有四界拜託予阮活落去【註三】

 

阮有聽著阮的某子愛阮活落去的聲音

阮有聽著阮的親人愛阮活落去的聲音

阮有聽著阮的朋友愛阮活落去的聲音

阮有聽著家己欲愛活落去的聲音

濟濟的人為阮呷菜念經祈福迴向予阮

阮有看著真柔真媠的日頭

 

阮有偌久毋捌看著遮爾柔遮爾媠的日頭

日頭一聲一句聲聲句句攏是咧叫阮

叫阮趕緊翻頭倒轉來

阮敢若有看著阮某子的形影

想要叫怹閣叫袂出聲

纔發現阮喙內有一隻管【註四】

 

拔管了後阮纔發現阮真僥倖閣活咧

阮佇夢中趕緊趕緊翻頭

走揣彼段予阮艱苦的彼咧病

病佇阮的身軀藏佮足好勢足好勢

不管時著走出來佮阮唱聲

叫阮著愛改薰著愛運動

 

阮對夢中翻頭倒轉來

這馬的阮毋敢閣再鐵齒

逐日早暗阮攏乖乖去運動

逐日四界勸人毋通閣食薰

病嘛無閣再翻頭轉來揣阮

阮嘛歡歡喜喜過日子【註五】

 

【註一】 二0一二年八月九日父親節隔天，我在高雄榮民總醫院住院三十八天後，終於出院。

除了在普通病房十天外，其餘二十八天加護病房的日子，我都處於迷迷糊糊的狀態中，出院後，我一直努力想要找回那段空白的日子。

 

【註二】 二0一二年七月三日上午八點多我的孩子││小涵陪我去大同醫院掛急診，那晚我就與死神展開拔河││六點十一分、八點二十七分、九點三十二分，我太太三度接獲病危通知單。事後回想在那同時，我彷彿看見急診室外面有一個螢幕，螢幕上顯示著許許多多病危者的名單，只要病危者一死亡，那個病患的燈就熄滅，因此我整個晚上都很緊張的注視著我的名字，唯恐燈忽然熄滅了，我被宣佈死亡了。另外聽說當晚我的頭家和友人也在家裡見到我。對照這種種情景的巧合，那簡直是個難以解釋的異象啊！

 

【註三】當晚在救護車的協助下我轉院至榮總，榮總內外科加護中心許健威醫師說三天危險期，隨時都可能會有各種併發症發生。

渡過三天危險期後，自己開始編織許多故事，那份幻覺一直持續到拔管後，我才逐漸回到現實生活，然而仍是處於虛實交雜的狀態中。

 

【註四】住院危急期間，身旁友人、同事為我茹素祈福迴向予我，這份感人情誼，著實讓自己此生難忘。冥冥之中，或許就是這股力量讓自己得以活下來的！

善的磁場善的循環。

 

【註五】在我稍為清醒時（其實尚未清醒），那時還在插管中，妻子為了和我溝通，帶來紙和

筆讓我寫，可是當時我已無力提筆，因此留下一些鬼畫符的東西，我的孩子││小

涵竟然想出去買注音符號的板子讓我點出每個音，結果呢？結果她們還是無法拼出

一個完整的字。出院後，我風雨無阻持續運動復健，並已徹底戒煙，這樣的日子我

深信自己必能持之以恆……