「……」
火旺仔猶原無出聲，不知影伊是在想啥麼？是不是我的話已經給伊開始在考慮訂婚這件代誌，還是在心內抗議，在大聲駡，大聲幹。我攏不知影，但是，我總是希望我講的話會當產生一點點的效果，那無，會演變成啥麼場面，實在是使人非常的擔心。
火旺仔火旺仔，你這個了屘仔子。
「彼個死囝仔，在外面不知影欠人多少賬，一工到晚，攏在還伊的賬，不知影前世欠伊哈麼死人債。」阿財嬸仔大力將電話放下，真想氣，擱無辦法，「不愛管伊啦啦，看伊自己去麥按怎還，自己去想辦法。」伊會當想出哈辦法？去偷、去搶…….唉!
飼子！飼子！飼子有啥麼路用？飼子是義務啊！
從監獄轉來了後，阿財伯仔著變得真無愛真講，每工在厝內是不看新聞著是掃土腳，會當講已經看破人生的種種，伊一直想講，會當活的時間也無外多了，「子孫自有子孫福」，飼子那是想麥給子飼，一定會夭死，唉！只要三頓有飯通吃，麥去給伊夭著，按呢著好了。
我的心每日親像有刀在割，尤其是一想著卡早讀過的，朱自清的「背影」，內有一段話：「父親是一個胖子….，我看見他戴著小帽，穿著黑布大馬褂，深青布棉袍，蹣跚地走到鐵道邊，慢慢探下去，尚不太難。可是他穿過鐵道，要爬上那邊月台，就不容易了。他用兩手攀著上面，兩脚再向上縮，他肥胖的身子向左微傾，顯出努力的樣子。這時，我看見他的背影，我的淚很快地流下來了。」想起這段話，我著加的痛苦，想著阿財伯仔瘦的存一雙骨的身軀，以前伊是真注重穿的，現在伊穿的破去也無要緊，伊講：「你有在上班，愛整整齊齊。」頭路，頭路，阿伯仔為啥麼會無路，阿財伯仔那覓無頭路，嘿不知影麥有頭賴好吔，為啥麼以前伊的生活不親像現在，尚無，伊也昧去坐獄，也昧去染著真嚴重的吓龜病，每晚在睏，伊在喘的聲音，給我想看一隻瘦瘦的老牛，拖著真破真破的車，我的目屎著流落來，老年為啥麼擱愛拖破車，頭路，幹伊娘的頭路。一日到晚看在煩惱，有人會趕阮搬出宿舍，一塊價值幾百萬的土地，著按呢飛去了，阿財伯仔說：死也麥死在這間厝的內面。
死。活在敢有死卡好。
火旺仔已經將近一個月無轉來，無人知影伊走去叨位，會當問的所在，攏去問過，伊竟然失踪了。伊無轉來，厝內是有卡平靜，上少不免等伊三更半瞑轉來才睏，雖然日是有卡好過，但是我的內心一直昧當平靜，我也知影阿財伯和阿財嬸火旺伊兩人內心矛盾和痛苦，火旺仔擱按怎做歹，還是伊兩人的子，還是我的小弟。
我的小弟。我的小弟為啥麼和我有按呢大的差別？為啥麼？我看這個問題無人會當回答，只有伊，伊知影自己是按怎會走到這種地步？伊知影無？這又擱是一個真使人懷疑的問題。
火旺仔麥結婚了。
阿財伯仔時常對人講：「我可能看不著伊兄弟仔娶某，可能無法度抱內孫了。」這個問題對我造成真大的威脅，想起伊老大人身體的無好，想著伊講這句話的表情，我的目屎著真昧見笑的流落來，所以，我的查某朋友在我再三逼伊，彼種心不甘、情不願的情形下，才和我訂婚，但是每擺講著結婚，著親像世界大戰爆發，使我講過幾遍了後，根本著不敢擱再提起，但是內心的壓力，跟隨著阿財伯每晚在喘的聲音，漸漸增加漸漸增加。
現在，火旺仔麥娶某了，我心內的壓力已經會當滅輕，雖然這件婚事有真大的冒險性，但是這攏是以後的代誌，愛著伊兩人按怎去做。上少目前阿財白仔的內心會感覺安慰。
火旺仔結婚呀啦！
「到底錢是用去叨一方面？」
「嘸啦嘸啦！」
「嘸。那嘸為啥麼你會將機車拏去當，而且，當無到三天，一萬元著用了呀！到底你是按怎用的，我實在想攏無？」
「……」
「你自己想看覓，那像按呢用錢，一個月愛賺賴多錢才有夠用，我想攏無，到底你是按怎用錢的，是不是去搓麻雀，去走酒店，娶查某出場，做阿哥….」
「……」
「你自己應該會當知影，厝內是不是有錢？你麥買機車，人擱卡艱苦著給去買，但是想不到你竟然好意思牽當，一擺著應該愛知影見笑，你竟然去當三擺！」
「….」
「我每一個月領薪水才留一仟元，為著你，我向朋友借錢給你去贖車轉來，你擱牽去當掉，你實在真使人傷心…」
「……」
「你自己憑良心講，厝月有啥麼人對不起你，對你無好。你按呢做敢對的起大家人。你照實講一句話，你到底有麥變好無？那無，從今以後，我無麥管你的代誌了。咱兩人也會當不免相認啊！那是有呢！你自己去向阿爸阿母懺悔，你自己想看覓，看應該按怎做，你著去做….」
「好啦好啦！」
火旺仔漸漸變好了。
自火旺仔和彼個查某囝仔進入戀愛的階段開始，伊著有真明顯的改變，上少，伊每晚攏會轉來厝內睏，也卡昧迌到七晚八晚，但是在歡喜的後壁，我又擱開始煩惱，伊這種改變到底會當維持賴久。那有一天，伊和彼個查某分開，伊是不是會擱恢復卡早彼一樣，甚至擱卡歹；這是真有可發生的，因為是在有形的條件之下，不得已才強迫自己改變的；人那是為著某一種條件的利益才去做代誌，攏無法度全心全力的，我總是有這個認定。
我按怎會有彼呢多的煩惱，敢真實在我過頭賢想，敢真實是按呢？
「你不通看伊著麥唸伊，嘿根本著無路用，唸久伊著麻痺；你那不多關心伊一點點，應該講話的時陣才講，按呢，卡未給伊感覺伊做對，你攏在唸。」我認為一個人的好歹，厝內的教育愛負大部份的責任，雖然社會的影響也是有，但是，只要厝內的教育郼是成功，社會擱卡按怎黑暗，伊還是昧變歹的。話擱講倒轉來，厝內教育，並不是老父老母，阿兄阿姐每日跟在伊後面，講叫伊件代誌愛按怎做，這件代誌愛按呢做，這種做法，會使伊大漢變成一個無主張主見的人；厝內教育，應該是老父老母、阿兄阿姐站在協助伊的立場，使伊會當完完全全發揮伊自己的才能，建立伊對自己的信心，按呢，伊才有一個完整人格。這種講法，也會當用在感情方面，真愛還是假愛著會當真明顯的分別出來。
「講伊。有在講伊，伊著按呢了，那無講伊，不知影會變的啥麼款。」「問題根本著不是出在你有講伊無，你看覓，你每日按呢講伊唸伊，結果敢有效，也是無嘛！」「那無，你講麥按怎做？攏不管伊不講伊，隨便伊去，敢是按呢？」「我也不是講攏不管伊不講伊，我講伊在打電話啦！聽音樂啦，看電視啦…..這種代誌你著會當不去唸伊，而且，做到給伊認為你有在關心伊…..」「伊彼種人敢有價值給人關心….」
火旺仔。伊真是一個了屘仔子，伊真實無價值給人關心；一個人那是已經無關心的價值，按呢，這個人敢擱有活在這個世間的必要。
火旺仔。
「你彼種人根本著無給人關心的價值….」火旺仔結婚了後，著搬去外面住；經過一年；這一年對我來講，是真豐富的，對婚姻對查某對家庭人生，這種種的一切攏有擱卡進一步的認識和感受，在彼陣，我和訂婚將近兩年的查某囝仔結婚，其實在我的內心，對婚姻的生活已經不敢有太大的希望存在，我攏是想講，擱再活的時間也無賴久，會當忍代誌著忍，不法度忍的代誌也著愛忍；相駡、爭吵，會當滿足一時衝動，根本著無啥麼意義，講起來，我的這種想法是有卡悲觀一點點，但是話擱講倒轉來，著是因诙我有這種想法，所以替自己省去真多的煩惱。但是火旺仔咧，永遠有吵昧了的代誌，一吵起來，二個人不管啥麼話攏駡的出來。這敢著是人啊！
人；只要是人，啥人昧麥想辦法保護自己咧！
阿財作仔那看著火旺仔伊兩人，伊著一直搖頭，兩個後生攏已經娶某，彼陣，伊上大煩惱著是驚看昧著我和火旺仔娶某，等我兩人攏娶某了啊！伊換做煩惱無法庿抱孫，但是，伊這個煩惱並無維持賴久。火旺仔伊尫仔某兩個人時常發生戰爭的消息傳來，我想著彼陣我叫伊著愛考慮的代誌，結果也是無法度避免。阿財伯仔除了搖頭以外，伊不知影應該愛按怎去做才會當給伊兩人和好，「床頭前打、床尾後和」，伊兩人相爭的代誌，並不簡簡單單用講的用勸的，著會當解決的。
咱人那會當看破：「尫仔某之間本來著是燒欠債」這種觀念，按呢，還擱有啥麼代誌會當引起兩個人的衝突咧。但事實上，活在這個世間的大部份人，攏會在無形中將自己的思想表現出來，這個思想，並不是很高深的學問，只是在真自然情形下，所產生的反應，而只要是人，著有伊昧當侵犯的思想，這敢會是尫仔某之間會時常發生衝突的主要原因。
戰爭，這是一場真艱苦的戰爭，這場世紀大戰，敢會有停止的一天。
一禮拜才有短短的七天。
一禮拜固定愛吵二擺，只有二擺，不過是七分之二而已，但是二擺吵了後，一禮拜中間敢會有心情好的一天，根本著無，根本著無。
「有一天，我一定會變做天下間上落魄，上無骨氣的查埔了。」火旺仔真無精神的講。
「你著卡讓伊嘛！」「讓！麥到啥麼時陣，」「伊的個性按怎，你早著應該知影，這種代誌你早那無考慮。到現在已經結婚啊，你無讓是會當按怎。…..」
讓！讓！讓！無讓是會當按怎。火旺仔失神的講！
除了擔心、苦勸以外，敢擱有啥麼辦法？
敢有？離婚；上不是辦法的辦法。
火旺仔失踪呀！
一天、二天、三天….攏無消息。
聽講愛河浮起一個人，已經爛得認昧出來吔！身軀無半項證件證明伊的身份。我趕去看。
火旺仔失踪啊！
聽講伊有留一封信，寫給伊某，但是我並無看著，聽講已經燒去。
我在厝內找著一本日記，伊講，伊那是昧當照自己的意思去活，那是真真正正束綁的彼工，伊著麥走去真遠真 遠的所在，伊著麥去國外。
火旺仔失踪啊！
死啊啦死啊啦！
啥人講吔！啥人講吔！
嘸啦嘸啦！伊去國外啊啦！
火旺仔，你真賢─〈1989.4〉
文章定位：
