懷念西螺大橋＠星光.月光.日頭光｜PChome Online 個人新聞台

2003-04-21 21:34:01| 人氣607| 回應1 | 上一篇 | 下一篇

懷念西螺大橋

推薦 0 收藏 0 轉貼0 訂閱站台

自我有印象，西螺大橋一直坦橫倒ti hia ，陪伴我、看顧我. 1年擱1年，親像故鄉e 阿母，恬恬看顧我燥性不安e 青春，大橋年年看濁水溪作大水，濁濁濁e 大水be 輸ui 天頂來，四界亂亂chong，走chhoe 生命 e出路。

大橋跨過濁水溪，是西螺kap彰化e分界，橋e 迄旁對細漢e 阮來講是另外1 e 世界，通台中、台北，通花蓮、通美國，通1 e 1 e 遙遠生分e 國度。細漢e時，阮著是ui阿母hia了解外口e天地，迄陣阿母就是阮e 圖書館。

阮干單享受伊e溫暖kap 柔情，心花開e時，阮ti 橋頂散步看日出、看夕陽，心悶e 時，ti 橋kha 踏沙擲石頭，全然m 知伊看著會心疼be？

尾a，伊看阮離開故鄉，離開伊e 身邊，親像翼鼓尾ta e鳥隻，展翼飛koan ，1 屑a 著無越頭留戀。

伊年年日日，恬恬a等待，看盡來來去去e 繁華，等無浪跡天涯e 遊子tng 來。落尾，阮chiah 知影，原來真正乎伊難過、心頭結歸khiu e是阮來離開。

阮離伊na 來na遠，辜負伊日日夜夜夢阮早歸，不見人影，干單chhun 夢相隨。

等kah 老去，老kah 無法承擔現代交通工具e速度，老kah必須愛限速限重，老kah強欲hong 拆食落腹。

佳在，離鄉e遊子總算tng 來，阮總算越頭看著伊e存在，看著伊ti 阮生命中e意義。

根據記載西螺大橋長1.93公里，過去是台灣西部縱貫公路聯絡南北交通e重要關卡。日本時代籌備建設，因為tu 著第2 次世界大戰khi khi 停停。戰後，西螺大橋ti 美國e協助下順利khi 好。民國42年e 通車典禮，鬧熱e程度無輸大拜拜。

西螺大橋曾經是東亞siong 長e橋，有東亞第1長虹e美名，ma是台灣重要關口，有交通kap戰備地位。橋嘴e碉堡，暝日攏有阿兵哥teh看守。

『西螺大橋的流金歲月』是第1本介紹西螺大橋歷史e冊，內面有真濟珍貴e相片，因為歸座大橋攏是機密，一直到47年後，大橋退休，擱愛面對hong 拆掉e命運，這e相片才有緣kap咱見面。

西螺大橋是西螺e地標，西螺e歷史，是西螺人e驕傲，西螺人e 精神象徵。

是阮khia 起e所在，有阮gin-a 時代e記智，有阮成長e痕跡。無定著伊已經無任何交通kap 戰備e地位，m koh 伊有阮心目中siong sui e記憶。He 是中沙大橋、自強大橋無法度代替e。

萬人簽名，是阮團結e開始，協力同心，挽救伊hong 拆掉e運命。

Chim a ，阮會凍ti 橋頂散步、吹風，看橋kha 四季全然無仝e景致，熱人--溪底e西瓜大出，名聲透京城，真濟外地人擱專工來欣賞大瓜小瓜e光景。

阮會凍ka gin-a 講大橋e故事，像早期台糖e 5分車kap 汽車ti 橋頂作伙行，著是ui 阿母hia 知影e 口述歷史。

今年清明，tu 好tu 著西螺大橋通車50週年文化節，阮kap 阿母作伙去鬥鬧熱，ti 橋頂散步、抑是坐落來飲咖啡、看藝術表演，攏真趣味。

總是踏ti 家己故鄉e 土地，有1 分踏實e心情，活動好m 好干那攏無重要a ，未來擱卡用心一定lu 好，kam m 是？

我要檢舉

台長： A-chiak