陽光．彩虹．「夢」星雲 夢．星．雲 不應分離 是時候讓他們重聚 「夢星雲」的世界裡應該充滿愛與理想 讓愛的和煦璀璨入夢 讓理想的勁擦亮星星 讓澄明的心洗滌白雲 不單要凝聚，還要有陽光與彩虹

103愛的鼓勵 0訂閱站台

"夢星雲"擴充裝修完成!日記由祖屋搬返o黎啦!

22.11.05,星期二. "生日OK"

本明天放假的，但被老細掉咗今日，反正都係做功課，無所謂啦!!
今天已經早咗起身了，但結果都係用咗o黎執衫換季...不過食飯同時早番，所以下午還有時間回正校圖書館做功課。但上到圖書館，打好題目，都只係睇書間書，睇到釣晒魚......睇吓釣吓，到6:30走人，因為今晚約了圖書館班同學仔聚會，慶祝莉沙和靜賢的生日。
我7:30準時的去到港晶Neway，阿Wing、Lisa、靜賢、廖志麟都到了，然之後馮淑娟同詩詩兩公婆都o黎埋。都好耐無試過成班圖書館同學走埋一齊出去玩了，是次係阿Wing發起為Lisa和黃靜賢慶祝生日，所以唱K時當然有蛋糕同生日歌啦!但有趣的是，Neway方面還送埋紅雞蛋和壽包，真的帶給我們驚喜呢!由於是平日唱，再加上有生日優惠，唱成晚連自助餐連蛋糕壽包，8個人都只係$844，都算抵啦，入房前間嘢仲話任我地唱到第二朝5點添!不過我們就無咁o既本事了，除咗阿Wing啦，第二日唔洗返工!玩到成11點半，是時候要返歸啦!

23.11.05,星期三. "食、訓、睇"

由於昨日的疲勞延至今日，還有要養精蓄銳今晚半夜起身睇婆，所以今晚一放工就回家，實行"食、訓、睇"，即食飯訓覺睇電視，其餘乜都無做!哈哈....

24.11.05,星期四. "通電小梨"

瑩瑩約了我收工比隻MP3碟佢，順便去元祿食D嘢傾o下計，其間接到好多個電話呀!其中一個是Pinky，佢話尼個星期日...唉~但真的沒辦法，那我只好盡點點棉力，幫手做聯絡啦!別了瑩瑩，一個人逛了一陣，買了Kellyjackie隻EP及一隻名為"Metropolis Shanghai, Showboat To China"的CD，這碟裡頭的歌曲穿插著三四十年代上海所能聽到的聲音，幾特別的呀!喜歡三十年代大上海的我，當然忍不住錯過啦!不知"妳"現在仍對這些有興趣嗎?如果有，樂意為妳燒錄多一隻呢!
回到家，吃過飯睇過阿旺，鼓起了勇氣打個電話--打比小梨!事原係我知道小梨上星期也去了廸士尼，我搵佢打探裡頭吃、玩、買的資料呢!為何要鼓起勇氣打電話?因為我識咗小梨一段時間，都未曾通過電話，約過出來見面呢!!嘻嘻~可能是小梨健談，又或許我口水多，和小梨講電話來得很自然，感覺好好，一傾就一個半鐘頭。小梨，希望妳唔會厭我這個"老人家"長氣口水多啦!還有搵次可以約妳同秋思一起出來聚一聚就好呢!
講完電話本想寫日記，但新聞台又"裝修"了，所以寫注係祖屋先。

25.11.05,星期五. "聯絡"

由學生年代開始，就擔當聯絡工作的我，到出身後都沒有改變過。就在今個當看更的晚上，在三個鐘內，我同時做了功課、中心工作和"聯絡"，忙碌都暈。由於星期日我婆婆生日，華華和阿婉兩邊的生日活動不能出席，那我只好幫手做聯絡約大家食飯，與此同時，我又要約明晚睇話劇食飯book位、星期日一家人食飯book位......沉靜了一段時間的我，係時候復出了。

附圖:Neway提供的紅雞蛋和壽包呀!