陽光．彩虹．「夢」星雲 夢．星．雲 不應分離 是時候讓他們重聚 「夢星雲」的世界裡應該充滿愛與理想 讓愛的和煦璀璨入夢 讓理想的勁擦亮星星 讓澄明的心洗滌白雲 不單要凝聚，還要有陽光與彩虹

103愛的鼓勵 0訂閱站台

17/4/05,星期日. "一個人行山"

今早本來過海上日間講論的，但昨晚才發現原來改左向上星期日舉行，咁即係錯過左一堂啦，唉~我真失敗!!上唔到堂，咁點好呢，於是我靈機一閃，想起下午還點都要過海拜公公，一於早上照過海，過海去"行山"。其實我所謂的行山，是另有目的o既!不過唔行就唔成事，既然想o左去咁耐，一於襯還未到熱天氣，一於"去"!!

我九點鐘起身，梳洗完就搭車先返正校還書，然後坐地鐵過海，接著再坐巴士去我的目的地。但我落o左車之後行錯o左路，行左一大段路，越行越唔妥，結果要坐車落番去落車處找到起點呢!!!我今天行的地方真的不錯，如果我住個附近一定朝朝去行，因為沿路風景不錯又超級易行，如果每天來做晨運一定身體健康o者!一個人的行呀行，係就係有點悶，但有目的來再加上是接觸大自然，個人特別精神和有活力。行完山了，幹了要幹的事，就坐車過筲箕灣，會合屋企人一齊上哥記拜公公。拜完公公，都四點了，因為爸爸肚餓，所以上茶樓食少少o野。就在上茶樓前，一行人行經工廠街，舅父話我知我出世後住的地方就係向尼到呢!不過爸媽竟然唔記得係住邊一座，佢地話因為個個樓梯口到差唔多喎~~。但有樣o野佢地最記得，就係我出世後他們被人"趕走"，是關我日哭夜哭，噪到個包租婆和其他房客頂唔注，要我們搬走呢!!(((呵呵呵呵~~~~我還唔知醜的對此有種驕傲感呢!呵呵呵呵)))((就因為我在港島出世，我對港島有一份親切感))(但我出世的醫院是在九龍，我在媽媽的肚時我出院後住的地方，就是工廠街)好簡單的在茶樓食少少o野，再到街市買o的菜，然後走坐車返沙田，要趕返屋企開檯打麻雀哦~~打完麻雀，當然就係一家人食飯啦~之後再圍在電視機前睇"獎門人"，成家人大笑一餐。

今天阿Mon去了永安，順便幫我買了台灣"義美"的芝士蛋糕，因為上次吃過老細請的朱古力味都覺得幾好吃，而阿Mon今天去開又主動打比我問我買唔買，我見今天有親戚來，所以一於揀芝士味試一試兼招呼大家做甜品呢!(真的唔該阿Mon幫我買回來還幫我送上門)這個義美出品的蛋糕都算OK，如果再去台灣買來做手信都不錯!(點解上次去台灣唔識買?)嘻嘻~這個蛋糕點小趣，就是我剛才上義美的網頁發現，原來我吃的蛋糕，是他們出品用來給人家用作彌月送禮之用的呢!!不過好少理，好味就是了。

*上圖所見的就是台灣"義美"的芝士蛋糕，外表包裝不錯，最主要是味道都OK，用來送禮都不錯o架!(另有朱古力和蜂蜜味)hehe...小梨子，愛吃朱古力的妳可以一試喔~~妳去永安就買到喔!(我暫知香港這裡有得賣)