陽光．彩虹．「夢」星雲 夢．星．雲 不應分離 是時候讓他們重聚 「夢星雲」的世界裡應該充滿愛與理想 讓愛的和煦璀璨入夢 讓理想的勁擦亮星星 讓澄明的心洗滌白雲 不單要凝聚，還要有陽光與彩虹

103愛的鼓勵 0訂閱站台

嘩~嘩~嘩~!!十九日無寫過日記啦!!由去完迪士尼回來到依家，我真的這麼忙碌嗎?講好聽就閉關做功課，實情就「搞li搞露」多。唉~睇o下記到幾多寫幾多。

1.12.05,星期四. "迪士尼"
好開心，好興奮，真的沒想到原來會咁開心同好好玩，可能未去過世界其他的迪士尼的關係，才覺得香港的迪士尼原來咁好玩。好~現在嚐試記番當日所發生的。
首先，訓左唔知幾多鐘後，七點鐘就起身了，先是會合Sharon去食早餐然後再到迪士尼會合Pinky和阿婉，可惜我們遲到呢，真的唔好意思呀!我們一行四人先去票房取票(我們剛好四個人，一套四張票齊晒呀)，取票也用了一點時間，結果入場都已經是十點七個字了。入到場，最先吸引我們的當然是正門的米奇花圃與車站，"咔嚓"影相，咁就兩張先，但點知未入到小鎮大街，在大街的廣場，已經吸引了三位靚女要同卡通人物合照，富貴貓、唐老鴨、Winnie&Tigger，結果排隊都已經不知知用了多少時間。影完相，沿途逛了不少店舖和小賣車，真的好多o野賣呀，行呀行，我們先去"探險世界"，坐木筏，上"泰山樹屋"，坐小船遊"森林河流之旅"，但由木筏、樹、樹屋、泰山、小船、象、鱷魚、猩猩、食人族全都是假的...這個我覺得...在最後總結才講。
離開"探險世界"，肚子有點餓了，去了"幻想世界"其中一間餐廳食飯，四個人經經濟濟叫了兩客飯食，$40有飯有湯又有茶，都叫ok啦，不過我最愛她們的茶杯，因為好靚好有聖誕氣氛，但可惜她是紙做，攜走困難，那我只好放棄了。
食完飯，我們決定先去"Space Mountain"取"FastPass"，然後就過"巴斯光年"玩，就在往巴斯光年的路上，我們遇上一個有智慧的垃圾筒，他曉行曉走曉同人傾計，十分抵死，可惜我們沒有拍下他趣緻的片段呢!別了垃圾筒，我們去排巴斯光年，排一陣就入得去玩..."蕉蕉蕉...""轉轉轉..."哈哈!!雖然係好兒童的遊戲，但一樣咁好玩......。
玩完巴斯光年，接注我們去玩咖啡杯，又係"轉呀轉"，不過係超級勁轉，結果玩完返落o黎差點唔識行直線。玩完咖啡杯，見未到玩"Space Mountain"的時間，於是我們去了睇"米奇幻想曲"，這個可是我今天迪士尼之旅最愛的環節。其實"米奇幻想曲"是一齣由唐老鴨擔正做主角的三D立體電影，當你帶上立體眼鏡後，除了唐老鴨和一眾鏡頭物件活像在你眼前出現外，配合埋強風、香氣、水花，真的營造出奇妙效果，散場後大家都話如果加埋張櫈會郁就仲正添!!但我覺得咁樣都已經好好玩啦!
亦因為我們去了睇"米奇幻想曲"，所以錯過了巡遊，這只好留待下次去玩時再睇了，但這樣我們剛好配合到時間去玩"Space Mountain"。這個是園內傳說最好玩的機動遊戲，由於我從未去過世界上其他的迪士尼，所以根本唔知這個Mountain裡面玩o的乜，係臨到上車之前，我先知原來係室內過山車。不過原來這個 Mountain真的好好玩，裡頭黑黑的襯托點點星光，在看不見過山車眼前的路徑高速馳騁，真的十分刺激，刺激到使我們四人由頭到尾不停在叫，兼拑落車後成個人high晒，而我仲誇張，玩到出來抽埋筋呢!
玩完"Space Mountain"，都已經是傍晚時份了，我們坐尾班的樂園火車返回正門大街，在車站拍了些日落照後，就到小鎮大街上的商店內逛，選購紀念品兼等待聖誕樹亮燈儀式。由於今日是樂園第一天舉行亮燈，所以有關單位隆重其事邀請了容祖兒來主持亮燈儀式，亦因為這個盛事，小鎮大街被擠得水洩不通，當我們從店內走出來時，已經不知要企到距離聖誕樹幾遠的位置了。除了聖誕樹，小鎮大街和街上各店早已佈置得充滿聖誕色彩，當聖誕樹的燈亮起時，小鎮兩旁屋頂亦隨即噴出"泡泡雪"，聖誕樹、燈飾、漂雪，真的讓人有如置身聖誕夜，相當有氣氛。
睇完亮燈玩過漂雪，我們分頭逛多一陣，然後再會合一齊到睡公主城堡前霸一個靚位席地而坐，準備欣賞煙花表演。我們時間教得剛剛好，坐低無耐就放了，"嘩~嘩~"睇煙花的指定配樂，每有一款精彩的放上天，大家很自然的會"嘩~"，但我其實不太愛"嘩"，我喜歡的是煙花爆發時的"BowBow"聲。
睇完煙花，有部份人開始離場，但大部份人都同我們一樣，到大街上的店進行最後掃貨和選購較早前由樂園攝影師所拍的照。我們都有揀相呀，揀左一張我們四人與唐老鴨一齊影的。攞埋相，大家都已經見倦叫要走，我們最後在門口再拍照，那時已經是晚上8:25了。
最後我們拖著極度疲倦的身軀，依依不捨地告別迪士尼樂園，坐地鐵出返旺角朗豪坊食飯，然後歸家去。
開心，真的十分開心，我一定會再去第二次的。

2.12.05,星期五.
回屯門開會，開一個有點無聊的會......

8.12.05,星期四."九級肺癆怪"
今晚返上環返學，在返學前先去灣仔森記取書、訂書，然後到哈迪斯食o的o野就坐巴士過上環，但點知上車無耐就發現一個"九級肺癆怪"坐向我後面，駁命地咳，他真的咳得十分恐怖，恐怖到我驚o左佢，驚到早一個站落車行返學校。今晚沒有"釣魚"呀!

11.12.05,星期日. "新同學"
今日下午返City上Day School，本來早點去City飯堂食飯以免遲到，但點知個講者掉返轉頭遲到，似乎有點過份，不過亦因為咁，給我認識了兩位隔離班的同學，其中一個是年輕人呢!而且還是女的哦~hohoho...當然，我們有交換電話啦!hehe.....講真，讀o左咁耐OU，真的未有遇到與自己年齡相約的，今次可說是第一次。

以下日記將轉至另一編寫，但現在這一刻，我真的沒有心情寫下去。

12.12.05,星期一
家姐生日...

16.12.05,星期五
死期的奇蹟，但未見曙光...

17.12.05,星期六
長週,邵曉玲生日

18.12.05,星期日
冬至...暖爐

19.12.05,星期一
聖誕禮物