陽光．彩虹．「夢」星雲 夢．星．雲 不應分離 是時候讓他們重聚 「夢星雲」的世界裡應該充滿愛與理想 讓愛的和煦璀璨入夢 讓理想的勁擦亮星星 讓澄明的心洗滌白雲 不單要凝聚，還要有陽光與彩虹

103愛的鼓勵 0訂閱站台

27.11.05,星期日. "紅鮋充正斑"

今天要同婆婆做生日，所以推了華華和阿婉的節目，下晝躲在屋企做功課，到傍晚才同細佬妹過葵涌。我們今次選了婆婆屋企樓下新開的酒樓食飯，由於婆婆話想食"酒席"，而我們又見酒樓新開張有一個超值12人餐，所以就叫了一個。開頭好正常先來一個乳豬全體，但點知接注竟然o黎條魚，我們見到都覺奇怪，食完乳豬點會咁快食魚o架?而就在大家只覺咁早o黎魚之際，表弟還常"郁"條魚時，我即時叫停，因為我發現那條根本不是我們叫個餐裡面的"老虎斑"，而係一條唔知乜魚，於是我即刻叫個部長埋o黎問:呢條係乜魚，我o地個餐係條斑o黎過喎!個部長見狀先將條魚送番廚房，然後回來話送錯檯，那條"紅鮋"唔係我o地o既...
haha...咪蝦我李俊釗唔食魚同驚魚就可以"紅鮋充正斑"，首先我唔係完全乜o野魚都唔食，第二係我入到街市，有60%的魚我都認得出，知佢邊條打邊條(不過我真的超級驚行過魚檔的!!)，想搵條平價魚騙我們，好難啦!不過真的有點奇，成檯人除我一個外個個都會食魚的，但竟然無一個發現有問題，hehe...今次我仲唔威番次!
不過今晚個餐真的幾抵食，好味夾大件，食到最後尾d飯同壽包都食唔晒要帶走，但什麼都係假，最重要係婆婆今晚食得好開心!
婆婆、華華、阿婉，全部都生日快樂呀!

28.11.05,星期一.

今晚收工本來想出去深水埗買番幾條褲的，但因為成六點先收工，所以無出去，留係屋企繼續做功課。

29.11.05,星期二. "自修室"

今日終於可以早點收工，於是先出去買幾條褲，然後就返OU正校做功課，是關始終非屋企的環境對我做功課或溫習都是絕對有利的，我今晚第一次向正校的自修室做功課，之前向圖書館做到九點就走人，但這裡原來是開到夜晚十二點的，我一直都唔知，真的大鄉里，於是我今晚一做就做到成十點幾先走人，跟注落旺角食碗粉後才返歸，返到屋企都差不多成十二點了。

30.11.05,星期三. "趕工"

由於星期五是死期，再加上明天要去迪士尼，所以今晚非趕工完成份功課不可，但結果做到成點幾兩點都係未做完，所以我都係決定申請再延期，即係又要寫信比科主任啦......不過唔知係咪因為喝了雞精的關係，還是第二朝去迪士尼心情緊張，個人十分醒訓，到三點九時竟被起身睇波的細佬弄醒，於是睇埋婆睇到成五點才訓番......

1.12.05,星期四. "迪士尼"

...五點訓到七點，兩個鐘後又起身...待續