陽光．彩虹．「夢」星雲 夢．星．雲 不應分離 是時候讓他們重聚 「夢星雲」的世界裡應該充滿愛與理想 讓愛的和煦璀璨入夢 讓理想的勁擦亮星星 讓澄明的心洗滌白雲 不單要凝聚，還要有陽光與彩虹

103愛的鼓勵 0訂閱站台

16.6.07,星期六. "學習孤獨"

星期六，長週，一個電話，原本想五點就走人，結果咪又係差不多六點先收工，好煩好討厭呀!我其實係收四點半點的，還想人點喎!!
今日中午一個人在「深水埗」食飯，華姐問我點解一個人，我想了一想便答，一個人唔好咩，難得清淨，孤獨一下唔好嗎?跟注華姐話係呀，一個靜o下都不知幾好。到了下午，收到Sally的電話，她話熱喎!咁即係比人放飛機啦!算，足不出戶小破財，然後快到四點半，張生拖他的女友來找我吃tea，本做埋小小o野五點去陪佢o地，但點知...星期六都要一個最後走，所以我推了他們。又是一個人，無咩呀!夜晚一個人返屋企食飯，爸爸弄了T骨扒給我吃呢!好味!食完飯睇埋保良，同媽&細佬睇了"NIGHT AT THE MUSEUM"，好搞笑的。

17.6.07,星期日. "父親節"

中午同爸爸飲了茶，然後同媽去了西田，買了一條皮帶給爸做父親節禮物，自己也買了一條，還買多兩件早幾日買的裇衫(當然唔同花啦!)。買完，同媽行多o左陣就同莫生出尖沙咀，先是同佢去取贈品，然後就過科學館睇唐宋書畫展，但點知去到先知原來6.29先展出，結果我們就去了"CHARLIE BROWN CAFE"食TEA，這裡的咖啡真的=P，但勝在食物搭救，那個史勞比雞翼真的好好味，還有酥皮焗田螺，一樣咁好味。今次第一次去尖沙咀店，地方比旺角大好多，裝修都靚o的豐富o的，就連廁所都可以找到Snoopy和Charlie Brown，旺角就無了。而給次上一上，給我與到他們現正召募VIP，我一見到當然二話不說，二百就二百，即時申請，起碼即時光顧先有九折，然後遲o的有埋贈品和優惠，二百抵啦!不過其實我原先是貪他張VIP卡，因為我覺得幾靚。來到這裡，拍照少不了，以下就有這裡的照片呢!
食完TEA，兩個傻佬落番旺角睇模型，好耐無一齊行模型店了，平時一個人行有點悶，同阿莫就唔同，因為大家有得講嘛!行完環球，再過埋信和，都已經六點幾快七點了，是時候同屋企人會合食飯。原本今晚是約了Madam的，但他今早醒起今天是父親節，要同爸爸慶祝，所以活動取消，不過收過她早上的msg後就沒有收到她的任何回覆，就連下午阿莫send給她，她也沒回應，我倆都有點擔心，一於明天再找找她先得。
別了阿莫，坐小巴入大埔，因他想去大埔市政大廈的大排檔食飯，結果我們去了Sally介紹的"三小姐"，真的好有水準好好味，「椒鹽腰果雞軟骨」、「酥炸花姿丸」、「銀魚蝦乾炒勝瓜」，尤其後者，最正呀!下次一定有幫襯，此外我們還叫了招牌雞、蒸貴花蚌、炒蜆都不錯。

對於現在的家，沮喪感越來越強，但我仍要努力，既然要學習孤獨，要成長，現在是要捱過的，但原日後會是好的就行了，遲o的都無所謂，只要有一些能如我所願，現在捱的算什麼呢?我希望真的能如願。