陽光．彩虹．「夢」星雲 夢．星．雲 不應分離 是時候讓他們重聚 「夢星雲」的世界裡應該充滿愛與理想 讓愛的和煦璀璨入夢 讓理想的勁擦亮星星 讓澄明的心洗滌白雲 不單要凝聚，還要有陽光與彩虹

103愛的鼓勵 0訂閱站台

16.10.05,星期日. "聚會"

今日好似平日返工咁早起身，因8:30約了阿Mon、蕭太、林太，一齊坐的士去明星海鮮舫，攞定位同鍾太飲茶。我們去到坐一陣，鍾太跟注都到了，但點知第一眼望到佢...瘦晒呀!!鍾太成個人係由頭瘦到落腳個隻，塊面凹晒、眼又凸埋，問佢點樣，佢話無事，但佢無意中講了一句有食中藥，我估她應該有啲嘢...但我唔迫佢講，等搵晚再比電話佢，再同佢傾o下。
幾個女人走埋一齊，當然離不開"女人"話題，不過都是環繞家庭、仔女、中心，還有小弟的...，總之乜都有，但絕對無是非八掛!我們邊食邊傾，到十點幾盧太都到埋，一路坐到成12點先散場。今次餐茶幾抵飲，坐三粒鐘食咗好多點心，每人都只係$44蚊!!
飲完茶，無街去，一於過我的"毒男"生活，躲返屋企煲電車男和打機。就在我一個人躲向房睇電車男時，突然興之所致，倒了一杯紅酒，然後那出向CitySuper買的棒棒芝士，一路嘆一路睇電車男......爽呀~~~!!一口氣睇了兩集，係時候轉一轉，去試我昨天向觀塘買的"巴士2"，睇睇玩唔玩到。hehe...結果係...玩到o既!仲好好玩添，一口氣玩o左三個鐘，玩到6點睇新聞時才停!不知幾興奮。
打完機睇完新聞，時間差唔多，係時候同媽咪&阿妹一齊出門口去會合爸爸同細佬食晚飯，是關明天是爸爸生日，我們今晚出街食同佢慶祝!我們例牌搞好耐都定唔到食乜，結果就給細佬"強制"我們入了阿拉麵館。
講真，阿拉麵館開O左咁耐，我都係第一次幫襯，之前因見它門口成日大排長龍所以無試。其實早知她食上海o野o既，所以沒有什麼驚喜，不過我們點了幾款食品可考驗她們的水準，分別有1.爸爸點的雜錦湯麵、2.我點的糟豬腳(即"醉雞"的豬腳板，亦即是花雕浸豬是也)和3.高力芒果奶黃、4.細佬點的雲吞雞(還有其他不能盡錄)...
食評1.湯麵不錯，湯底和麵質幾好﹔
2.豬腳夠爽，選用的花雕酒ok，調配得不錯﹔
3.高力的皮做得麻麻，炸出來唔夠圓和厚薄不平均﹔
4.我一樓不太愛雲吞雞，因我怕"膩"，因太多舊式上海舖煮得好膩好難食，但這兒煮的OK，但不愛北方餃子的我，除了D湯同雞，成鍋其他我無乜興趣(其實咪即係得番雲吞=北方餃子)
總食評:家傳滬曉好食過去!!HAHAHA.....
一家人食完飯，比我捉晒去六樓(新城市)睇電腦、電話和電燒烤爐，因前二者我想買，最後者我想介紹給爸媽。其實今次睇完都係未買，因我要安排好我的資金先得，不過細佬今次一行介紹了一部E680i給我，附合我要求之餘，價錢比我的dream機W800i平一截...但我都係要想想先!!行幾間電器舖當散步，睇完要睇的走人。

17.10.05,星期一. "爸爸生日快樂"

今天是爸爸生日(今年西曆農曆是同一日呢)，在此祝爸爸身體健康，因這是最重要的。
今日收工後去了打簿，順便去睇睇部E680i。睇之前上網睇了一些資料，已知它的性能和價錢，的確幾o岩我，但惟獨我怕它食電，所以真的要考慮......但點知當我行到去123問價時，給我問到收番我現時部6110可當成$780，即係$2008就出到了，價錢真的十分吸引，不過我還能夠忍手，因為這些高消費品我是不會隨便衝動去買的($1000以上的物品對我來說是高消費，就算從前和現在的環境都係)。但話說回頭，notebook比手機有迫切性和重要，如果資金ok真的是要買notebook先，如果計唔點，部電話更要想清楚先。
睇完機沒有四圍去，望望大眾同商務後就歸家去了!