陽光．彩虹．「夢」星雲 夢．星．雲 不應分離 是時候讓他們重聚 「夢星雲」的世界裡應該充滿愛與理想 讓愛的和煦璀璨入夢 讓理想的勁擦亮星星 讓澄明的心洗滌白雲 不單要凝聚，還要有陽光與彩虹

103愛的鼓勵 0訂閱站台

這個星期很想寫日記，原因係...想寫囉!!就係咁簡單，但係到今晚才有空寫呀~

19.10.05,星期三. "生日禮物"
今日收工約了祥嫂兩公婆食飯，順便去買送給Sharon的生日禮物。
我們約咗七點向沙田等，左想右想都唔知食乜好，結果最後去了連城的"Stage cafe"，第一次去食咋，對佢無乜期望，結果...沒期望是對的，因為真的十分普通，沒有特別，一樣同紅螞蟻是小小西餐廳、收費差不多、份量差不多，但紅的好味道好多，用料亦正啲好啲，所以結論係，再幫襯的機會不高。
食完飯，三人向著我們原定目的地--"遮仔店"進發。我們本想買件衫的，但因為揀款方面出現意見分歧，所以離開遮仔店，搵第二樣嘢送，就向遮仔店過幾個舖位，見到一間賣手袋的，裡面有遮仔的銀包手袋賣呀!我們二話不說的走入去揀，結果給我們揀了一個遮仔銀包買呢!幾靚o架~~希望Sharon鍾意啦!買完禮物，行多陣就byebye歸家去了。

20.10.05,星期四. "開會"
又要開職員會了，今次開夜晚，不過不管早定晚，都無人鍾意開，是關開親都成三四個鐘，簡直痴線，人地中心開職員會頂多咪兩個鐘，唉~~今晚都一樣啦，開了接近四個鐘，差不多九點半先散水。
開完會，同咗阿Mon、Meg、Mei去皇城打邊爐，食得好飽呀!食嘢期間，大家當然吐了不少苦水啦!

21.10.05,星期五.
夜晚照例做看更，沒有什麼特別。

22.10.05,星期六. "慶祝"
期待已久的日子終於到了，就是為Sharon慶祝生日，唔知點解有期待呢?何能係近排少出去玩的原故啦!
星期六，難得老細不在，所以可以四點半左右收工，早點去沙田逛逛望望我的"手機"和"Notebook"，我真的好想買呀!逛咗一陣，落火車站等埋Sally同阿Mei，就一齊過APM會合Sharon，去"家傳滬曉"食飯。由於訂唔到位，所以我們要walkin入座，但這樣卻給我們攞到個好位，坐向該店最盡頭有落地玻璃的位置。今晚點菜由我負責，我分別點了糟豬手、醉雞、小籠包、樟茶鴨、雪菜肉絲炒拉麵、高力芒果奶王，還有Sharon點的酸辣湯，好味好味。Sharon同Sally最愛那醉雞，而阿Mei就喜歡那酸辣湯，而我就全都鍾意!不過全晚惟獨那拉麵就失水準，啲麵太硬了。食過美味的菜餚，是送禮物的時間，Sharon拆開一見是遮仔銀包，十分開心呀!有親佢地三位靚女食飯的地方，一定唔會有"安寧"和"有料"，今晚同樣唔例外，平時我都唔覺有咩，不過今晚的環境似乎唔太適合太噪，所以我覺得有點尷尬呢......
食完飯，只不過是八點，Sally話常到旺角中心買件衫，所以我們一行四人就出了旺角。女士行街買衫，一定花點時間的，結果買一件衫用了兩個鐘，一個人買一件變了兩個人買咗N咁多件，好彩我訓練有素，細細個就比阿媽訓練出超強耐性，陪女生購物和做跟班(幫女生拿戰利品)，所以咁樣兩個鐘，無問題啦!!
Shopping完都十點多了，主角話想食da dalce的開心果雪糕，於是我們就坐車落尖沙咀，讓她食完就順便上諾士佛臺飲嘢傾計。今次我帶了大家去我上次同Madam和莫生去的"KNUTSFORD"，本想有上次的悠閒氣氛，但由於是週末，悠閒變成了熱鬧。由於上次就係同Madam和莫生飲過紅酒後喜歡了飲紅酒的感覺，所以今次亦叫了一杯，雖然酒質一般，但享受飲的感覺已經足夠了。主角今晚選了一杯"Pinky"，最初的她話人家似藥水，但點知飲了三份之一她就投降了!所以我即時叫了樽水，讓她消消酒氣，坐咗一陣就無事了。傾o下飲o下不經意的好快到兩點，是時候歸家了，送過Sally上的士，我們三人亦座N271返家。但我返到屋企沒法即時入睡，結果眼光光的睇電視睇到四點先上床訓。

23.10.05,星期日. "再說一次我愛你"

昨晚四點先睡，今朝能早起身才怪，所以睡到十一點幾差不多十二點先起身!剛起身不久，就收到Sharon的電話，問今天是不是去看"再說一次我愛你"，我答係呀!是關我對這套戲十分感興趣，所以昨天便講起想看這戲，知道Sharon姐今天無節目，所以相約今日去睇。
掛了線，弄東弄西的不知用了多少時間，結果原本想話過灣仔攞番本書都沒時間了，那只好上網買飛，然後同阿妹去好好粥麵食啲嘢便出尖沙咀會Sharon，出到Duty Free剛好3:30沒遲到。為何要約在Duty Free?原因是Sharon姐想去看看Burberry的頸巾。我都不知幾耐無逛這些店了，一來名牌本身我並不追求，二來現在少了同阿思佢地去街，變相我會入這些店的機會亦少了。
睇完頸巾差不多時候去戲院啦，但點知"驚險+瘀皮"的事就發生了。事緣係由於我出門口時太怱忙，先是忘了要攞部錄音機比Sharon，當去到戲院票房前拿銀包出來準備用信用卡取飛時，我發現用來上網訂飛用的"信用卡"不見了...死啦!點算呢?我更係因第一次上"電影門"訂票，將張信用卡拿出來入資料時，遺留咗向屋企張電腦檯上面...不過好彩，由於今次是我第一次用這個網結訂飛，所以我很謹慎的將交易號碼同座號等資料抄低，然後放入銀包以防萬一，但點知這一著真的幫了自己，我將資料交給票房職員，結果他們一樣出飛比我們入場，真係好彩呀!不過我就覺得好瘀皮囉!入場前我同Sharon講，如果我現在係追緊女仔咁就死得啦!
講番套戲先，究竟有什麼吸引我去睇?第一是有我最愛的阿Sa和我從前就喜歡，現在覺得她更有韻味的Charlie﹔第二就是個故事，講阿Sa死後的心去了Charlie到，劉德華就一人有三個身份角色，幾得意咁......
當一開始睇落去，我自己就越來越入戲，睇到最後一幕我更哭了出來添，而這一幕的對白是講阿Sa的心惜Charlie的手寫給劉德華一封信，這信是寫在Charlie的日記裡，到連Charlie都死埋才交到劉德華手上的，內容如下:

"親愛的老公﹕
知道嗎?我沒有想過，六年後我們可以再次相逢...
再見到你的身形那一刻，我的心真的很高興。
能遇上你兩次，是我一生最大的幸福。
我知道你不捨我離去。
不願再放走我第二次。
記得你跟我說的故事嗎?
一對夫婦，一個走得快，一個走得慢...
對不起，我走快了，
對不起，沒有等你。
生命中太多事不由我們掌握，讓我們換另一種方式再相戀吧?

我們因為愛，而「不捨」。
如今，因為愛，你答應我，學會「放下」好嗎?
答應我，好好活下去，好好愛自己，好嗎?
我很珍惜這機會，跟你再說一次「我愛你」!
愛你的
紫晴
上"

當我一聽到阿Sa讀到第三句，我已經忍唔注出眼淚了。可能我太入戲啦，又同埋......。我又哭了，我真是一個愛哭鬼，男人老七成日哭，真係無鬼用。出戲完後我問Sharon佢知唔知我哭，她說知呢!!不過佢沒有笑我。
套戲詳細唔講了，有興趣去下列網頁啦!
http://www.allaboutlovethemovie.com/
http://promodb.hki.yahoo.com/movie/allaboutlove/

睇完戲時間還早，原本我想同Sharon向尖沙咀食飯的，但由於我忘了拿錄音機給她，所以我決定轉回沙田食飯，順便返屋企攞部機。我們今晚去Delifrance食嘢，是關最近吃得太多了，所以大家都想吃得簡單一點。開飯前，入咗馬沙行，Sharon介紹了一隻好好味的酒心朱古力"cherry liqueurs"，我建議買咗食完飯食，結果一試之下...真的十分好味呀!!朱古力中間有粒給brandy浸注的cherry(車厘子)，當你於口中咬開朱古力，朱古力、brandy、車厘子三位一體的味道真的難以形容，一句講晒好味!!所以我別了Sharon後再去馬沙買一盒，請同事同屋企人食!!食完飯同朱古力，同Sharon行多陣就才講bye bye，然後再搵低能Yan吹陣水便返歸了!